મોરબીની ભાજપ શાસિત પાલિકાના મહિલા પ્રમુખના પતિ સુપર પાવર !, સમાજના યુવાનને ધમકી: રમેશ રબારી

મોરબી પાલિકાના વોર્ડ નં-૧૧ ના વિસ્તાર માં આવેલ સતવારા સમાજના વાડી વિસ્તારમાં રોડ રસ્તા અને લાઈટ જેવી સુવિઘા હજુ પણ આપવા આવતી નથી જેથી આ મુદ્દે  મોરબી પાલિકાના પ્રમખુના પતિને સતવારા સમાજનું વોટ્સેપનું ગ્રૂપ ચાલે છે તેમાં રજૂઆત કરવામાં આવી હતી કે અમારી વાડી વિસ્તાર  તેમજ સમગ્ર સતવારા વાડી વિસ્તારમાં પાલિકા દ્વાર સુવિઘામાં વઘારો કરવા માટે નગરપાલિકાએ ગ્રાન્ટ મંજુર થયેલ છે તેનો સદુપયોગ કરીને વાડી વિસ્તારમાં રોડ રસ્તા અને ભૂગર્ભ ગટર તેમજ લાઈટ જેવી પ્રાથમિક સુવિધામાં વધારો કરવામાં આવે તે જરૂરી છે

આ માગણી કરતા પાલિકાના પ્રમુખના પતિ કે.કે. પરમારે એકદમ ઉશ્કેરાઇને સતવારા સમાજના યુવાનને  અભદ્ર ભાષામાં બેફામ ગાળો આપી હતી અને જોઈ લેવાની ધમકી આપેલ હતી ત્યારે ગુજરાત પ્રદેશ માલધારી સેલના પૂર્વ ઉપપ્રમુખ રમેશ રબારીએ જણાવ્યુ છે કે, જેની ફરજ છે કામ કરવાની જેની પાસે કામની માંગણી કરવાની જ હોય છે તેની પાસે કામ કરવાની માંગણી કરી હતી તો કામ કરવાના બદલે ધમકીઓ આપી અને કહેલ કે “તું મને અત્યારે જ મળવા માટે આવ એટલે હું તને પૂરો કરી નાખું એમ ફોનમાં ધમકીઓ આપી” આમ સતવારા સમાજના મતથી ચૂંટાયેલ છતાં સમાજ ન લોકોને દાદાગીરી કરી દબાવવાનો પ્રયત્ન કરે છે પાલિકામાં ૧૨ જેટલા સતવારા સમાજના નગરપાલિકામાં કાઉન્સિલર મતદાન કરી બનાવેલ છે પરંતુ સતવારા સમાજના વિસ્તારનું કોઈપણ કામ ન કરવું તેવું નક્કી કરવામાં આવ્યું હોય તેવો ઘાટ જોવા મળી રહ્યો છે અને સમાજના કે કોઈપણ વ્યક્તિ રજૂઆત કરે તો તેને જોઈ લેવાની ધમકી આપવી અને અભદ્ર ભાષામાં ગાળાગાળી કરવીએ પ્રજા હિતમાં નથી ત્યારે મોરબી શહેરની પ્રજા તેમજ સતવારા સમાજે પૂછે છે કે, પાલિકાનો વહીવટ કોણ કરે છે પાલિકાના પ્રમુખ કે તેમના પતિ ? તેવો જવાબ પ્રમુખ આપશે કે ભાજપ તે તો આગામી સમય જ બતાવશે