મોરબી પાલિકાએ આપેલ ડોર ટુ ડોર કચરા કલેક્શનનો કોન્ટ્રાક્ટ રદ કર્યો

મોરબી નગરપાલિકા દ્વારા શહેરના જુદાજુદા વિસ્તારોની અંદરથી કચરાના કલેક્શન માટે થઈને ડોર ટુ ડોર કચરા કલેક્શનનો અમદાવાદની એજન્સી કોન્ટ્રાક્ટ આપવામાં આવ્યો હતો જોકે, એજન્સી દ્વારા યોગ્ય રીતે કામગીરી કરવામાં આવતી ન હોવાના કારણે જુદા જુદા વિસ્તારમાંથી વારંવાર ફરિયાદો ઉઠી રહી હતી જેથી પાલિકાના ચીફ ઓફિસર દ્વારા ડોર ટુ ડોર કચરા કલેક્શનનો કોન્ટ્રાક્ટ રદ કરવામાં આવ્યો છે અને કોન્ટ્રાક્ટરને નગરપાલિકાના જે વાહનો આપવામાં આવેલા છે તેને મૂળ સ્થિતિમાં બે દિવસની અંદર પાલિકાને પરત આપવા માટે કોન્ટ્રાક્ટરને તાકીદ કરવામાં આવી છે અને ત્યારબાદ મોરબી નગરપાલિકા દ્વારા ડોર ટુ ડોર કચરા કલેકશનની કામગીરી કરવામાં આવશે

મોરબી શહેરમાંથી કચરાનું કલેક્શન કરવા માટે અગાઉ અમદાવાદની શ્રીજી એજન્સીને આપવામાં આવ્યો હતો અને તા ૩/૫/૧૮ થી ત્રણ વર્ષ માટે આ એજન્સીને મોરબીના જુદા જુદા વિસ્તારોમાંથી કચરા કલેકશન માટેની કામગીરીનો કોન્ટ્રાક્ટ આપવામાં આવ્યો હતો.જે કોન્ટ્રાક્ટ ૩૦/૪/૨૧ ના રોજ પૂરો થતો હતો અને ત્યારબાદ એક વરસ માટે એટલે કે ૩૦/૪/૨૨ સુધી તેનો કોન્ટ્રાક્ટ લંબાવી દેવામાં આવ્યો હતો પરંતુ છેલ્લા સમયથી કોન્ટ્રાક્ટર દ્વારા યોગ્ય રીતે શહેરના જુદાજુદા વિસ્તારમાંથી ડોર ટુ ડોર કચરા કલેકશનની કામગીરી કરવામાં આવતી ન હોવાની ફરિયાદો ઉઠી રહી હતી જેથી કરીને મોરબી નગરપાલિકાના ચીફ ઓફિસર દ્વારા હાલમાં અમદાવાદની શ્રીજી એજન્સીને જે કોન્ટ્રાક્ટ આપવામાં આવ્યો હતો તે રદ કરવામાં આવ્યો છે અને મોરબી નગરપાલિકાના તમામ વાહનો બે દિવસમાં નગરપાલિકાને પરત આપવા માટે ચીફ ઓફિસર દ્વારા કોન્ટ્રાક્ટરને તાકીદ કરવામાં આવી છે ત્યાર બાદ ડોર ટુ ડોર કચરા કલેકશનની કામગીરી મોરબી નગરપાલિકા દ્વારા કરવામાં આવશે તેવું જાણવા મળ્યું છે