મોરબી અને વાંકાનેરમાં જુગારની બે રેડ: ચાર જુગારી પકડાયા
SHARE
JOIN OUR GROUP
મોરબી અને વાંકાનેરમાં જુગારની બે રેડ: ચાર જુગારી પકડાયા
મોરબી મહેન્દ્રનગર ચોકડી પાસે અને વાંકાનેર શહેરના નવાપરા વિસ્તારમાં જુગારની જુદી જુદી બે રેડ કરવામાં આવી હતી ત્યારે સ્થળ ઉપરથી કુલ મળીને ચાર જુગારીઓ મળી આવ્યા હતા જેથી કરીને પોલીસે તેની પાસેથી કુલ મળીને ૩૧૬૦ ની રોકડ રકમ કબજે કરીને તેની સામે જુગારધારા હેઠળ ગુનો નોંધી આગળની કાર્યવાહી હાથ ધરી હતી
મોરબી મહેન્દ્રનગર ચોકડી પાસે આવેલ સીએનજી પંપની સામેના ભાગમાં જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે મુકેશભાઈ શીવાભાઈ ઝિંઝુવાડીયા જાતે કોળી (ઉંમર ૩૫) અને પ્રકાશભાઇ જેરામભાઈ જોબનપુત્રા જાતે સિંધી (ઉંમર ૪૨) જાહેરમાં જુગાર રમતા મળી આવ્યા હતા જેથી કરીને પોલીસે તેઓની પાસેથી ૨૧૫૦ રૂપિયાની રોકડ કબજે કરી જુગારધારા હેઠળ ગુનો નોંધી આગળની કાર્યવાહી હાથ ધરી હતી
આવી જ રીતે વાંકાનેર નવાપરા વિસ્તારમાં પરમેશ્વરના પટમાં જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપર મનોજભાઈ કુંવરજીભાઇ સોલંકી જાતે કોળી (ઉંમર ૩૫) અને દેવરાજભાઈ સંજયભાઈ જાલસાણીયા જાતે કોળી (ઉંમર ૧૯) જુગાર રમતા મળી આવ્યા હતા જેથી કરીને પોલીસે તેની પાસેથી ૧૦૧૦ રૂપિયાની રોકડ કબજે કરી જુગારધારા હેઠળ ગુનો નોંધી આગળની કાર્યવાહી હાથ ધરી હતી
એક બોટલ દારૂ
મોરબીના જેતપર રોડ ઉપર પીપળી ગામ નજીક આવેલા સીએનજી પંપ પાસેથી પસાર થઇ રહેલા એક શખ્સે રોકીને પોલીસે ચેક કરતા તેની પાસેથી દારૂની એક બોટલ મળી આવી હતી જેથી કરીને પોલીસે ત્રણ સો રૂપિયાની કિંમતની દારૂની બોટલ સાથે વિજયભાઈ બાબુભાઈ ઝાલા (૩૦)રહે. જૂની પેઢી વાળાની ધરપકડ કરેલ છે અને તેની પાસે દારૂની બોટલ ક્યાંથી આવી હતી તે દિશામાં તપાસ શરૂ કરવામાં આવી છે
