મોરબીમાં સિરામિક રોમટિરિયલ્સના ધંધા માટે વ્યાજે રૂપિયા લેનારા યુવાનને બે વ્યાજખોરોએ માર માર્યો
Morbi Today
વાંકાનેરના ઢુવા ગામના પાટિયા પાસે ડીઝલ પી ગયેલા બિહારી યુવાનનું સારવારમાં મોત
SHARE
JOIN OUR GROUP
વાંકાનેરના ઢુવા ગામના પાટિયા પાસે ડીઝલ પી ગયેલા બિહારી યુવાનનું સારવારમાં મોત
વાંકાનેર તાલુકાના ઢુવા ગામના પાટિયા પાસે આવેલ રામદેવ હોટલ નજીક ટ્રકમાંથી ડીઝલની ટાંકીમાંથી પ્લાસ્ટિકની પાઇપ વડે ડીઝલ ખેંચતા સમયે ડીઝલ પી ગયેલ યુવાન બેભાન થઈ ગયો હતો જેથી કરીને તેને બેભાન હાલતમાં સારવાર માટે મોરબીની આયુષ હોસ્પિટલમાં ખસેડવામાં આવ્યો હતો અને ત્યાંથી વધુ સારવાર માટે આ યુવાનને રાજકોટની સરકારી હોસ્પિટલ ખાતે લઇ ગયા હતા જોકે સારવાર દરમિયાન યુવાનનું મોત નિપજતા આ બનાવની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરેલ છે
બનાવની જાણવા મળતી માહિતી મુજબ મોરબી-વાંકાનેર હાઇવે ઉપર આવેલા ઢુવા ગામના પાટિયા પાસે રામદેવ હોટલ નજીક મૂળ બિહારના રહેવાસી અને ડ્રાઇવિંગનો ધંધો કરતા મન્ટુકુમાર બાલેશ્વર ચૌધરી (ઉંમર ૨૪) પોતાના ટ્રકની ડીઝલની ટાંકીમાંથી પાઇપ વડે મોઢેથી ડીઝલને ખેંચતા હતા ત્યારે ડીઝલ પી જવાના કારણે આ યુવાનને ચક્કર આવી જતાં તે બેભાન થઈ ગયો હતો જેથી તેને બેભાન હાલતમાં પ્રથમ મોરબી આયુષ હોસ્પિટલ ખાતે સારવારમાં ખસેડવામાં આવ્યો હતો અને ત્યાંથી વધુ સારવાર માટે આ યુવાનને રાજકોટની સરકારી હોસ્પિટલ ખાતે લઇ જતા હતા દરમિયાન સારવારમાં યુવાનનું મોત નીપજયું હતું જેથી આ બનાવની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી હાથ ધરી હતી
