મોરબીમાં નણંદને માર મારવાના બનાવમાં ભાભી સાથે આવેલા વધુ બે આરોપીઓની ધરપકડ

મોરબીની રવાપર ચોકડી પાસે આવેલ સંગમ રેસીડેન્સી-સી ફલેટ નં. ૬૦૨ માં રિસમાણે બેઠેલ ભાભી તેના ઘરેણાં અને દીકરાના જન્મનું પ્રમાણ પત્ર લેવા માટે આવી હતી ત્યારે ઉમીયા સમાધાનપંચના પ્રમુખ સહિતના વડીલો ત્યાં હાજર હતા ત્યારે નણંદને વચ્ચે બોલવાની ના કહીને ભાભી અને તેના માતા-પિતા સહિતના લોકોએ માર માર્યો હતો જેની ફરિયાદ નોંધાઈ હતી તેના આધારે પહેલા ભાભી સહિતના કુલ ચાર આરોપીને પકડ્યા હતા અને આ ગુનામાં વધુ બે આરોપીને પકડવામાં આવ્યા છે

મોરબીના એસપી રોડ ઉપર આવેલ શ્રીહરીટાવર બ્લોક નં. બી/૦૩ યદુનંદન-૪ માં રહેતા શિલ્પાબેન હિતેષભાઇ વિલપરા જાતે પટેલ (ઉ.૪૦)એ ધીરજલાલ વલ્લભભાઇ વાધરીયા, રેખાબેન ધીરજલાલ વાધરીયા અને ભાવીકાબેન નલીનભાઇ રહે. બધા માણાવદર જિલ્લો જુનાગઢ તેમજ તેમની સાથેના અજાણ્યા પાચ માણસોની સામે ફરિયાદ નોંધાવી હતી જેમાં તેને જણાવ્યુ હતું કે, તેના ભાઇ-ભાભીને છેલ્લા અઢી વર્ષથી અણબનાવ છે અને તેના ભાભી હાલે જુનાગઢ તેના માતા-પિતા સાથે રહે છે જે ભાભી તેના માતા-પિતા સાથે ફરિયાદી મહિલાના ભાઈ નલીનભાઇનું ઘર મોરબીની રવાપર ચોકડી પાસે આવેલ સંગમ રેસીડેન્સી-સી ફલેટ નં. ૬૦૨ માં છે તે ઘેર તેના ઘરેણા તથા દિકરાનુ જન્મ પ્રમાણપત્ર લેવા માટે આવેલ હતા ત્યારે ઉમીયા સમાધાનપંચના પ્રમુખ સહિતના લોકો હાજર હતા ત્યારે ફરિયાદીના ભાઈના સાસુ રેખાબેન, સસરા ધીરજલાલ, ભાભી ભાવીકાબેન તથા તેમની સાથેના અજાણ્યા પાચ માણસોએ ફરિયાદીને તમારે કાંઇ બોલવાનું થતુ નથી તેમ કહી ગેરશબ્દો બોલી ગાળો આપી હતી અને ઝપાઝપી કરી હતી તેમજ છુટા હાથે માર માર્યો હતો અને ગળાના ભાગે નખથી વિખોરીયા ભરી ઇજા કરી હતી જે ફરિયાદના આધારે પોલીસે પહેલા ધીરજલાલ વલ્લભભાઇ વાધરીયા, ભાવીકાબેન નલીનભાઇ આઘારા, રેખાબેન ધીરજલાલ વાઘરીયા જાતે પટેલ અને ખીમાણંદભાઈ જગમાલભાઇ મારડિયા જાતે આહીરની ધરપકડ કરેલ હતી અને હાલમાં પોલીસે દેવભાઈ બોઘાભાઈ ઓડેદરા જાતે મેર (૪૨) રહે. જેખડી તાલુકા માંગરોળ અને રાજુભાઇ જલાભાઈ દિવારાણીયા (૩૪) રહે. ધંધુસર તાલુકો વંથલી વાળાની ધરપકડ કરવામાં આવી છે