હળવદના માથક પાસે ડમ્પર ચાલકને જાનથી મારી નાખવાની ધમકી
હળવદ તાલુકાના માથક ગામથી સુંદરી ભવાની ગામ જવાના રસ્તા ઉપરથી યુવાન પોતાનું ડમ્પર લઈને પસાર થઈ રહ્યો હતો ત્યારે બાઈકચાલકે જૂની અદાવતનો ખાર રાખીને ડમ્પરને ઊભુ રખાવ્યુ હતુ અને યુવાનને ગાળો બોલી અને જાનથી મારી નાખવાની ધમકી આપી હતી જેથી કરીને ભોગ બનેલા યુવાનને હળવદ તાલુકા પોલીસ સ્ટેશન ખાતે એક શખ્સ સામે ફરીયાદ નોંધાવતા પોલીસે ગુનો નોંધી આરોપીને પકડવા માટે પોલીસે તજવીજ શરૂ કરેલ છે 

બનાવની જાણવા મળતી વિગતો પ્રમાણે હળવદ તાલુકાના ખેતરડી ગામે રહેતા અને ટ્રક ડ્રાઇવિંગનો ધંધો કરતાં વિષ્ણુભાઈ માયાભાઈ દેકાવાડીયા જાતે કોળી (ઉંમર ૨૪) પોતાનું ડમ્પર લઇને માથક ગામથી સુંદરીભવાની ગામ તરફ જવાના રસ્તા ઉપરથી પસાર થઇ રહ્યા હતા ત્યારે તેઓના ડમ્પરને બાઇક ઉપર આવેલ માથક ગામે રહેતા વિજયભાઈ ઉર્ફે અંકલો ભુપતભાઈ નામના શખ્સો જૂની અદાવતનો ખાર રાખીને રોકાવ્યુ હતુ અને બાદમાં ગાળો બોલીને જાનથી મારી નાખવાની ધમકી આપી હતી જેથી કરીને વિષ્ણુભાઈએ હાલમાં હળવદ તાલુકા પોલીસ સ્ટેશન ખાતે વિજયની સામે ફરીયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે

“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”