મોરબીમાં રહેતા પતિએ વતનમાં જવાનું કહેતા પરિણીતાએ કર્યો આપઘાત
Morbi Today
મોરબીના જેલ ચોકમાં અપશબ્દો બોલીને ઠઠ્ઠામશ્કરી કરનાર બે શખ્સોની ધરપકડ
SHARE
JOIN OUR GROUP
મોરબીના જેલ ચોકમાં અપશબ્દો બોલીને ઠઠ્ઠામશ્કરી કરનાર બે શખ્સોની ધરપકડ
મોરબી શહેરમાં લુખ્ખા તત્વોને ઝેર કરવા માટે તેને છેલ્લા દિવસોથી મોરબીમાં પોલીસ દ્વારા ફૂટ પેટ્રોલિંગ શરૂ કરવામાં આવ્યું છે દરમિયાન મોરબી શહેરના જેલ રોડ ઉપર ચોક પાસે બે શખ્સો દ્વારા જાહેરમાં લોકોને ખલેલ પહોંચે તે રીતે અપશબ્દો બોલીને ઠઠ્ઠામશ્કરી કરવામાં આવતી હતી જેથી કરીને તેની સામે મોરબી સીટી એ ડીવીઝન પોલીસ સ્ટેશન ખાતે ગુનો નોંધીને બંને શખ્સોની ધરપકડ કરી પોલીસે આગળની કાર્યવાહી હાથ ધરી હતી
જાણવા મળતી વિગત પ્રમાણે મોરબીના જેલ ચોક પાસે ઉભેલા બે શખ્સો દ્વારા જાહેરમાં અપશબ્દો બોલીને ઠઠ્ઠામશ્કરી કરવામાં આવતી હતી અને જાહેરમાં લોકોને ખલેલ પહોંચે તેવું કરવામાં આવતું હતુ જેથી પોલીસે હાજીભાઈ મુસાભાઇ કુરેશી જાતે મતવા (ઉંમર ૩૩) રહે. કબીર ટેકરી શેરી નં-૫ અને ઈસ્માઈલભાઈ હુસેનભાઇ બ્લોચ જાતે મકરાણી (ઉંમર ૨૬) રહે. મકરાણીવાસ મોરબી વાળાની ધરપકડ કરી હતી અને તેની સામે જીપી એક્ટ કલમ ૧૧૦ અને ૧૧૭ મુજબ ગુનો નોંધીને આગળની કાર્યવાહી હાથ ધરેલ છે
અકસ્માતમાં ઇજા
મોરબી શહેરમાં સામાકાંઠા વિસ્તારમાં આવેલ લાલબાગ પાસે વાહન અકસ્માતનો બનાવ બન્યો હતો જે બનાવમાં ભુપેન્દ્રભાઈ વાઘેલા (ઉમર ૩૨) અને રાહુલકુમાર (ઉંમર ૩૦)ને ઈજાઓ થઈ હતી જેથી તે બંનેને સારવાર માટે મોરબીની સિવિલ હોસ્પિટલ ખાતે લઇ જવામાં આવ્યા હતા અને ત્યાંથી વધુ સારવાર માટે રાહુલકુમારને રાજકોટ રીફર કરવામાં આવેલ છે અને અકસ્માતના બનાવની મોરબી સીટી બી ડિવિઝન પોલીસને જાણ કરવામાં આવી છે
માર માર્યો
મોરબીના નવલખી રોડ ઉપર આવેલ લાઇન્સનગરમાં રહેતા રાખીબેન ધર્મેન્દ્રભાઈ રાજપુત (ઉંમર ૨૬) નામની મહિલાને તેના પતિ ધર્મેન્દ્રભાઈ રાજપૂતે માર માર્યો હતો જેથી કરીને ઇજા પામેલા રાખીબેનને સારવાર માટે મોરબીની સિવિલ હોસ્પિટલ ખાતે ખસેડવામાં આવ્યા હતા અને મારામારીના બનાવની મોરબી સીટી બી ડિવિઝન પોલીસને જાણ કરવામાં આવી છે
