મોરબીમાં સ્વર કિન્નરી લતા મંગેશકરને સ્વારાંજલિનો સંગીત સંધ્યાનો કાર્યક્રમ યોજાયો
Morbi Today
મોરબીના લાલપર પાસે આઇસરે બાઈકને હડફેટે લેતા ઇજા પામેલા યુવાનનું મોત
SHARE
JOIN OUR GROUP
મોરબીના લાલપર પાસે આઇસરે બાઈકને હડફેટે લેતા ઇજા પામેલા યુવાનનું મોત
મોરબી નજીકના લાલપર ગામ પાસે આઇસર ચાલકે બાઈકને લીધું હતું જેથી કરીને યુવાનને ઇજા થઈ હતી અને ઇજાગ્રસ્ત યુવાનને સારવારમાં લઈ જવામાં આવ્યો હતો જોકે, સારવાર કારગત ન નિવડતાં તે યુવાનો મોત નિપજ્યું હતું અને અકસ્માત મૃત્યુના આ બનાવમાં હાલમાં મૃતક યુવાનના પત્નીએ આઇસર ચાલકની સામે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે
જાણવા મળતી વિગત પ્રમાણે મોરબીના ત્રાજપર ખારી વિસ્તારમાં મેલડી માતાજીના મંદિર પાસે રહેતા રેશમાબેન ફારુકભાઈ મોવર (ઉંમર ૨૫) એ હાલમાં આઇસર નંબર જીજે ૧૩ એડબલ્યુ ૫૬૬૬ ના ચાલકની સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેમણે જણાવ્યું છે કે તેઓના પતિ ફારુકભાઈ ઈસ્માઈલભાઈ મોવર પોતાનું બાઈક નંબર જીજે ૩૬ એન ૫૮૬૩ લઈને મોરબી વાંકાનેર હાઇવે ઉપર આવેલ લાલપર ગામ પાસે શ્રીજી સિરામિક સામેથી પસાર થઈ રહ્યા હતા ત્યારે આઇસરના ચાલાકે તેના પતિના બાઈકને હડફેટે લીધું હતું જેથી કરીને તેઓના પતિને માથા અને પેટના ભાગે ગંભીર ઇજાઑ થઈ હતી અને તેને તાત્કાલિક સારવાર માટે હોસ્પિટલે લઈને આવ્યા હતા જોકે સારવાર કારગત નહીં નિવડતા તે યુવાનનું મોત નીપજ્યું છે અને હાલમાં મૃતક યુવાનના પત્નીએ આઇસરના ચાલક સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
