ટંકારાના ખાનપર ગામે ઝેરી દવા પી ગયેલ યુવાનને રાજકોટ લઈ જતા રસ્તામાં મોત
Morbi Today
મોરબીમાં રિસામણે બેઠેલી બહેનને લઈ જવાની ના પાડતા યુવાન ઉપર થયો હતો છરી વડે હુમલો
SHARE
JOIN OUR GROUP
મોરબીમાં રિસામણે બેઠેલી બહેનને લઈ જવાની ના પાડતા યુવાન ઉપર થયો હતો છરી વડે હુમલો
મોરબીના સામાકાંઠે વાંકાનેર હાઇવે ઉપર કુબેર ટોકીઝની પાછળ મફતપરા વિસ્તારમાં રહેતા પટ્ટુ શાંતિલાલ કડેવાર જાતે દેવીપુજક યુવાન ઉપર છરી વડે હુમલો કરવામાં આવ્યો હતો જેથી તેને મોરબી બાદ વધુ સારવાર માટે રાજકોટ ખસેડાયો હતો અને પોલીસ દ્વારા તપાસ કરવામાં આવતા ખુલ્યું હતું કે પટ્ટુભાઈની બહેન રિસામણે હોય તેમનો બનેવી ભુપત અને તેનો ભુપતનો ભાઈ તેઓના ઘેર આવ્યા હતા અને "કેમ મારી પત્નીને મોકલતા નથી..?" તેમ કહીને ઝઘડો કર્યો હતો ત્યારે પટ્ટુએ કહ્યું હતું કે તમે મારા બેનને માર મારો છો અને સારી રીતે રાખતા નથી તે વાતને લઈને બંને વચ્ચે ઝઘડો થયો હતો અને ઝપાઝપી દરમિયાન ભુપત દ્વારા પટ્ટુભાઈને પેટના ભાગે છરીનો ઘા મારી દેવામાં આવ્યો હતો જેથી તેને સારવાર માટે રાજકોટ ખસેડાયો હતો.
ઝેરી દવાની અસર થતા સારવારમાં
હળવદ તાલુકાના મેરૂપર ગામે વાડીમાં ઝેરી દવાનો છંટકાવ કરતા સમયે ઝેરી અસર થવાથી ગત મોડી રાત્રીના રમેશભાઈ સુતારભાઈ બારોલીયા નામના ૩૫ વર્ષના યુવાનને મોરબીની સિવિલ હોસ્પિટલે સારવાર માટે લાવવામાં આવ્યો હતો.બનાવ અંગે એ ડિવિઝન પોલીસ મથકના એચ.એમ.ચાવડા દ્વારા પ્રાથમિક તપાસ કરીને બનાવ સંદર્ભે હળવદ પોલીસને જાણ કરવામાં આવી હતી.
વાહન અકસ્માતમાં ઈજા
મોરબીના વાવડી રોડ ઉપર આવેલ ઉમિયાપાર્ક વિસ્તારમાં રહેતો ધવલ સુરેશભાઈ નામનો ૩૯ વર્ષીય યુવાન મોરબીના શનાળા રોડ ઉપર સુપર માર્કેટ પાસેથી જતો હતો ત્યાં તેને વાહન અકસ્માતના બનાવમાં ઇજાઓ થવાથી તેને અહીંની સિવિલ હોસ્પિટલે સારવાર માટે લાવવામાં આવ્યો હતો.જ્યારે રાજકોટ નજીકના હડાળા ગામે રહેતો ભાવેશ છેલાભાઈ વકાતર નામનો યુવાન બાઈકમાં જતો હતો ત્યારે હડાળા અને બેડી ગામની વચ્ચે તે બાઈકમાંથી પડી જતા ઈજાઓ થવાથી તેને સારવાર માટે મોરબીની આયુષ હોસ્પિટલે લાવવામાં આવ્યો હતો.જેથી એ ડિવિઝન પોલીસ મથકના એચ.એમ.ચાવડા દ્વારા નોંધ કરીને આ અંગે આગળની તપાસ હાથ ધરવામાં આવેલ છે.
