ટંકારા અને વાંકાનેરમાં જુગારની બે રેડ : છ જુગારી ૧૫,૮૦૦ ના મુદામાલ સાથે ઝડપાયા
Morbi Today
મોરબીના લખધીરપુર ગામના મહિલા સરપંચને રાજીનામું આપી દેવાની ધમકી ! : ગામના ચાર શખ્સો સામે કરી લેખિત ફરિયાદ
SHARE
JOIN OUR GROUP
મોરબીના લખધીરપુર ગામના મહિલા સરપંચને રાજીનામું આપી દેવાની ધમકી ! : ગામના ચાર શખ્સો સામે કરી લેખિત ફરિયાદ
મોરબી તાલુકાનાં લખધીરપુર ગામના મહિલા સરપંચ દ્વારા હાલમાં લેખિતમાં અરજી કરીને ગામના ચાર શખ્સો દ્વારા તેને રાજીનામું આપી દેવાની ધમકી આપેને ખોટા કેસમાં સંડોવી દેવાની ધમકી આપવામાં આવી રહી છે તેવી ફરિયાદ કરેલ છે અને તેની સામે કાયદેસરની કાર્યવાહી કરવાની માંગ કરી છે.
મોરબી તાલુકાનાં લખધીરપુર ગ્રામ પંચાયતના સરપંચ ચંદ્રીકાબેન કાનજીભાઇ પરમાર દ્વારા હાલમાં તેના જ ગામના રમેશભાઇ દેવરાજભાઇ ખાણધર, રમેશભાઇ ગંગારામભાઇ ખાણધર, હીરાલાલ જગદીશ પરમાર અને દેવજીભાઇ ગંગારામભાઇ ખાણધર સામે લેખિત અરજી કરેલ છે જેમાં તેને જણાવ્યુ છે કે, આ શખ્શો વારંવાર સરપંચ પદેથી રાજીનામું આપી દેવાની ધમકી આપે છે અને જો રાજીનામુ ન આપ્યું તો ખોટા કેસમાં સંડોવી દેવાની ધમકી આપે છે તેમજ તોછડાઇ ભર્યુ વર્તન કરીને ચેનચાળા, ઇશારા કરતાં હોય છે અને એકલતાનો લાભ લેવાનો પ્રયત્ન કરે છે તેમજ ગ્રામ પંચાયત કચેરીએ કામ વગર બેસવા માટે ના પાડવા છતા તે આવીને બેસે છે અને તેઓને તેમજ તેના પતિને હાથ પગ ભાંગી નાખવાની અને જાનથી મારી નાખવાની ધમકી આપે છે.
હાલમાં ગામમાં વિવિધ જગ્યાઓ પર દબાણ ન હોય ત્યા પણ ગ્રામ પંચાયત કચેરીને ખોટી દબાણની અરજીઓ કરી ગ્રામ પંચાયત કચેરીને ખોટી ગેરમાર્ગે આ શખ્સો દોરી રહ્યા છે અને ગ્રામ પંચાયત્ત બોડી સુપરસીટ કરવાના હિન પ્રયાસો કરી રહ્યા છે તેમજ લખધીરપુર ગામની વચ્ચે તેમજ ગામના વોટ્સ એપ ગૃપમાં મનફાવે તેવી રીતે ખુબ જ અભદ્ર ભાષામાં ગાળો મોકલે છે. તેમજ મહિલા સરપંચને પર્સનલ મોબાઇમાં પણ ફોન કરીને તેમજ તેના પતિને ગાળો આપે છે. વધુમાં તેને જણાવ્યુ છે કે રમેશભાઇ દેવરાજભાઇના પત્ની તેની સામે ગ્રામ પંચાયતની સરપંચની ચુંટણી લડ્યા હતા અને તે હારેલ છે જેથી ચૂંટણીનો ખાર રાખીને ત્યારથી આક્ષેપો વાળી ખોટી અરજીઓ કરવામાં આવી રહી છે જેથી કરીને માનશીક ત્રાસમાંથી મુકિત અપાવવા માટે મહિલા સરપંચે મામલતદાર, પ્રાંત અધિકારી, પોલીસ સહિતનાને લેખિતમાં અરજી આપી છે.
