ટંકારાના રોહિશાળામાં સહકારી મંડળી સહિત ત્રણ સ્થળે ચોરી: ગુનો નોંધાયો
Morbi Today
મોરબીમાં પોલીસે કામગીરી બતાવવા જુગારની ખોટી રેડ ઉભી કરી !: ગુજરાત પ્રદેશ કોંગ્રેસના કાર્યકારી પ્રમુખનો ધડાકો
SHARE
JOIN OUR GROUP
મોરબીમાં પોલીસે કામગીરી બતાવવા જુગારની ખોટી રેડ ઉભી કરી !: ગુજરાત પ્રદેશ કોંગ્રેસના કાર્યકારી પ્રમુખનો ધડાકો
મોરબીના રાજપર રોડ ઉપર આવેલ સીટી સ્ટીલ એન્ડ એલયુમીનીયમમાં પોલીસે થોડા દિવસો પહેલા જુગારની રેડ કરી હતી અને ત્યારે બે ગાડી તેમજ રોકડ સાથે કુલ મળીને ૨૮ લાખથી વધુનો મુદામાલ કબજે કરવામાં આવ્યો હતો જે રેડ ઊભી કરવામાં આવી હોવાનો ધડાકો ટંકારાના ધારાસભ્ય અને ગુજરાત પ્રદેશ કોંગ્રેસના કાર્યકારી પ્રમુખ દ્વારા કરવામાં આવેલ છે અને આ મુદે તેઓએ રાજ્યના સીએમ અમે ગૃહમંત્રી સહિતનાને લેખિત રજૂઆત કરીને સીસીટીવી વિડીયો, મોબાઈલ કોલ ડિટેલ સહિતના પુરાવાઓને ચેક કરીને સત્યને બહાર લાવવામાં આવે તેવી માંગ કરી છે
ટંકારાના ધારાસભ્ય અને ગુજરાત પ્રદેશ કોંગ્રેસના કાર્યકારી પ્રમુખ લલિતભાઈ કગથરાએ સીએમ, ગૃહમંત્રી, રાજ્યના પોલીસ વડા સહિતનાને લેખિત રજૂઆત કરી છે જેમાં જણાવ્યુ છે કે, તેના મતવિસ્તારમાં આવતા મોરબી એ ડીવીઝન પોલીસ સ્ટેશનના પીઆઈ પંડયા દ્વારા પોતાની કામગીરી બતાવવા યુવાનો ઉપર જુગારનો ખોટો કેસ કરવામાં આવેલ છે અને મોરબીના રાજપર રોડ ઉપર આવેલ સીટી સ્ટીલ એન્ડ એલયુમીનીયમ પાસેથી તા. ૨૪/૭ ના રોજ સાંજે આશરે ૭.૧૫ કલાકે મહેશભાઈ બાલજીભાઈ ચનીયારા અને કિશોરભાઈ છગનભાઈ ચનીયારાને જુગારનો આરોપ નાખી ચાર પોલીસ સભ્યો બંનેને તેમની જ ગાડી લઈને મોરબી એ ડીવીઝન સીટી પોલીસ સ્ટેશને લઇ ગયેલ હતા ત્યારે પોલીસ સ્ટેશનમાં પીઆઈ પંડયાએ આ બંને યુવાનોને ઢોર માર માર્યો હતો અને અન્ય ચાર મિત્રોના નામ જણાવવા દબાણ કર્યું
જેથી તે યુવાનોએ દબાણવશ થઇ મારની બીકે ભૂતકાળમાં તહેવારમાં સાથે બેસતા ચાર નજીકના જાણીતાના નામ આપ્યા હતા જેમાં નીલેશભાઈ દેવકરણભાઈ સંઘાણી, નીલેશભાઈ કેશવજીભાઇ ચનીયારા, નીલેશભાઈ ચંદુભાઈ ભીમાણી અને રમેશભાઈ શિવાભાઇ વડનાગરાના નામ આપ્યા હતા તેઓને પોત પોતાના ઘરે હતા ત્યારે નીલેશભાઈ દેવકરણભાઈ સંઘાણીને મહેશભાઈ ચનીયારાનો ફોન આવતા તે એ ડીવીઝન સીટી પોલીસ સ્ટેશને આવ્યો હતો અને બાકીના ત્રણ પૈકી નીલેશભાઈ કેશવજીભાઇ ચનીયારાને શનાળા બાયપાસ પાસે પરિવાર સાથે તેમના ભાણેજના જન્મદિવસની ઉજવણીમાં હતો ત્યાંથી તે જીઆઈડીસીના નાકા પાસેથી નીલેશભાઈ ચંદુભાઈ ભીમાણીને ગાડીમાં બેસાડીને પોલીસ સ્ટેસન લઇ ગયેલ હતો
ત્યારબાદ રમેશભાઈ શીવાભાઈ વડનગરા પોતાના ઘરે હોઈ પોલીસ સ્ટાફના સભ્યો કિશોરભાઈ છગનભાઈ ચનીયારાને સાથે લઇ જઈને તેના ઘરેથી ફોનથી બોલાવીને ત્યાંથી સાથે લઇને એ ડીવીઝન પોલીસ સ્ટેશને આવ્યા હતા ત્યાર બાદ તેને પોતાની જ ગાડીમાં જે જગ્યાએ જુગારની રેડ બતાવી છે ત્યાં સીટી સ્ટીલ એન્ડ એલયુમીનીયમ પર લઇ ગયા હતા અને ધાક ધમકી આપી પૈસાની વ્યવસ્થા કરવાનું કહ્યું હતું અને કિશોરભાઈની ગાડીમાં રહેલ ત્રણ લાખ રૂપિયા જપ્ત કર્યા હતા તેમજ વધારાના છ લાખ રૂપિયાની વ્યવસ્થા કરવાનું દબાણ કર્યું હતું જેથી શૈલેષભાઈ બાલજીભાઈ ચનીયારાએ રકમ લઇને આપી હતી
ત્યાર બાદ રાત્રે ૧૧ વાગ્યાના સમયે છ યુવાનોને ધમકી આપી દબાણ કરી જુગાર રમવા મજબુર કર્યા હતા અને તેની વિડીયોગ્રાફી અને ફોટોગ્રાફી કરીને જુગારના કલબ ચલાવતા હોય એવી સ્ટોરી બનાવીને બધા સામે એફઆઈઆર દાખલ કરવામાં આવેલ છે આ ઘટનામાં પીઆઈ પંડયા તથા તેમના સાથી પોલીસ સભ્યો દ્વારા પોતાની અંગત કામગીરી દર્શાવવા ખોટી ફરિયાદ દાખલ કરેલ છે ત્યાનું સીસીટીવીનું ડીવિઆર પણ જપ્ત કરી લીધેલ છે જો આ કારખાનાના સીસીટીવીના ફૂટેજ તપાસવામાં આવે તો ઉપરોક્ત ઘટનાની સઘળી હકીકત બહાર આવે તેમ છે
આ સિવાય નજીકના કારખાનાના ફૂટેજ તેમજ રમેશભાઈના એપાર્ટમેન્ટના ફૂટેજ તપાસવામાં આવે તો સત્ય સામે આવે તેવી શ્કાયતા છે વધુમાં એ ડીવીઝન પોલીસ સ્ટેશનના સીસીટીવી અને આ યુવાનોના મોબાઈલ લોકેસન અને કોલ હિસ્ટરી તપાસવામાં આવે તો આ નાટકીય કેસની સંપૂર્ણ સત્ય માહિતી મળી શકશે અને પીઆઈ દ્વારા યુવાનોને ધમકી આપવામાં આવેલ છે કે, આ કેસ બાબતમાં કોઈ ઉચ્ચ અધિકારીને અરજી કરવામાં આવશે તો અન્ય બીજા કેસમાં પણ ફીટ કરી દેવામાં આવશે જેથી કરીને આ બાબતે યોગ્ય તપાસ કરીને આગળની કાર્યવાહી કરવામાં આવે તેવી માંગ કોંગ્રેસનાં ધારાસભ્ય દ્વારા કરવામાં આવી છે
