મોરબીમાં અકસ્માત સર્જીને આધેડનું મોત નિપજાવનાર બોલેરો ચાલકની ધરપકડ
SHARE
JOIN OUR GROUP
મોરબીમાં અકસ્માત સર્જીને આધેડનું મોત નિપજાવનાર બોલેરો ચાલકની ધરપકડ
મોરબીના શનાળા રોડ ઉપર સરદારબાગ પાસે થોડા દિવસો પહેલા રિક્ષાને બોલેરોના ચાલકે હડફેટે લીધી હતી જેથી કરીને ઇજા પામેલા આધેડ રિક્ષા ચાલકેને પ્રાથમિક સારવાર આપીને વધુ સારવાર માટે રાજકોટ સિવિલમાં ખસેડવામાં આવ્યા હતા અને ત્યાં તેઓનું સારવાર દરમ્યાન મોત નિપજ્યું હતું જેની ફરિયાદ નોંધાતા પોલીસે આરોપીની ધરપકડ કરેલ છે
મોરબીના જેતપર રોડ ઉપર પીપળી ગામે રહેતા કાનજીભાઈ દેવજીભાઈ વાઘેલા નામના ૫૫ વર્ષીય આધેડ રીક્ષા ચલાવવાનું કામ કરતા હોય મોરબીના શનાળા રોડ ઉપર સરદારબાગ પાસેથી તેઓ તેમની રિક્ષા લઈને ગત તા.૨૨-૭ ના સવારે દશેક વાગ્યે જતાં હતા ત્યારે બોલેરોના ચાલકે તેમની રીક્ષાને હડફેટ લેતા ઇજાઓ થવાથી કાનજીભાઈ વાઘેલાને સારવાર માટે રાજકોટ ખસેડવામાં આવ્યા હતા અને ત્યાં સારવાર દરમ્યાન કાનજીભાઈ દેવજીભાઈ વાઘેલાનું મોત નીપજયું હતું જેથી કરીને આ બનાવમાં મૃતકના દીકરા જીતેન્દ્ર વાઘેલા (ઉમર ૨૭) એ મોરબી સિટી એ ડિવિઝન ખાતે બોલેરો કાર નંબર જીજે ૧૬ ઝેડ ૧૩૭૩ ના ચાલકની સામે ફરિયાદ નોંધવતા પોલીસે હાલમાં બનાવની તપાસ કરી રહેલા હેડ કોન્સ્ટેબલ એ.એમ. જાપડીયા દ્વારા અકસ્માત સર્જનાર બોલેરો ચાલક કૃપાલભાઈ બાબુભાઈ બાંભવા જાતે ભરવાડ (ઉમર ૨૧) રહે.મીતાણા તા.ટંકારો વાળાની ધરપકડ કરવામાં આવી છે
અકસ્માતમાં ઇજા
મોરબીના જેતપર રોડ ઉપર આવેલ રંગપર બેલા ગામે રહેતા જયાબેન અરજણભાઈ કોળી (ઉમર ૫૯) પોતાના દીકરાના બાઈકમાં બેસીને રસ્તા ઉપરથી પસાર થઈ રહ્યા હતા ત્યારે રસ્તા ઉપર પડેલા ખાડામાં બાઇક પડવાથી તેઓ બાઈકમાંથી નીચે પટકાયા હતા માટે તેઓને ઈજા થતાં સારવારમાં મોરબીની ખાનગી હોસ્પિટલમાં ખસેડવામાં આવ્યા હતા હાલમાં અકસ્માતના બનાવની મોરબી તાલુકા પોલીસની જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરેલ છે
