ટંકારાના બંગાવડી ગામે શેઢાની તકરારમાં વૃદ્ધ-તેના દીકરા ઉપર દાતરડા-લાકડી વડે હુમલો
SHARE
JOIN OUR GROUP
ટંકારાના બંગાવડી ગામે શેઢાની તકરારમાં વૃદ્ધ-તેના દીકરા ઉપર દાતરડા-લાકડી વડે હુમલો
ટંકારા તાલુકાના બંગાવડી ગામે ખેતરે કામગીરી કરી રહેલા વૃદ્ધ અને તેના દીકરા ઉપર પાડોશમાં ખેતર ધરાવતા પિતા પુત્રએ દાતરડા અને લાકડી વડે હુમલો કર્યો હતો જેથી કરીને ઈજા પામેલા વૃદ્ધ અને તેના દીકરાને સારવાર માટે રાજકોટ સિવિલ હોસ્પિટલમાં આવ્યા હતા અને આ બનાવની ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરીને રાબેતા મુજબની કાર્યવાહી હાથ ધરી છે
જાણવા મળતી માહિતી મુજબ ટંકારા તાલુકાના બંગાવડી ગામે રહેતા કરસનભાઈ હરિભાઈ પંડ્યા (ઉંમર ૬૨) અને જીતેન્દ્રભાઈ કરસનભાઈ પંડયા (ઉંમર ૩૫) પોતાના ખેતરે કામગીરી કરી રહ્યા હતા દરમિયાન તેઓની બાજુમાં ખેતર ધરાવતા શાંતિભાઈ ઉગાભાઇ પડાયા અને તેના દીકરા રવિ શાંતિભાઈ પડાયાએ દાતરડા અને લાકડી વડે હુમલો કર્યો હતો અને કરસનભાઈ પંડ્યા તેમજ તેના દીકરા જીતેન્દ્રભાઈ પંડ્યાને દાતરડા અને લાકડીના ઘા ઝીંકવામાં આવ્યા હતા જેથી ઈજા પામેલા વૃદ્ધ અને તેના દીકરાને સારવાર માટે રાજકોટ સિવિલ હોસ્પિટલ ખાતે ખસેડવામાં આવ્યા હતા અને આ બનાવ સંદર્ભે કરસનભાઈના બીજા દીકરા સાથે વાત કરતા તેમણે જણાવ્યું હતું કે શેઢા તકરાર બાબતે તેના પિતા અને ભાઈ ઉપર પાડોશમાં ખેતર ધરાવતા શાંતિભાઈ અને તેના દીકરા રવિએ હુમલો કર્યો હતો આ બનાવની ટંકારા તાલુકા પોલીસને જાણ કરવામાં આવતા પોલીસે ઇજાગ્રસ્તની ફરિયાદ લેવા માટેની તજવીજ શરૂ કરેલ છે
