મોરબી-વાંકાનેરમાં જુગારની ૩ રેડ: ૧૧ જુગારી ૧૪,૪૬૦ ની રોકડ સાથે ઝડપાયા
SHARE
JOIN OUR GROUP
મોરબી-વાંકાનેરમાં જુગારની ૩ રેડ: ૧૧ જુગારી ૧૪,૪૬૦ ની રોકડ સાથે ઝડપાયા
મોરબી અને વાંકાનેરમાં જુગારની જુદી જુદી બે રેડ કરવામાં આવી હતી ત્યારે સ્થળ ઉપરથી કુલ મળીને ૧૧ જુગારીઓ જુગાર રમતા મળી આવ્યા હતા જેથી કરીને પોલીસે તેઓની પાસેથી ૧૪,૪૬૦ રૂપિયાની રોકડ કબજે કરીને તેની સામે જુગારધારા હેઠળ ગુનો નોંધીને આગળની રાબેતા મુજબની કાર્યવાહી હાથ ધરી હતી
મોરબીના ત્રાજપર ખારી વિસ્તારમાં રામજી મંદિર પાસેની શેરીમાં પોલીસે જુગારની રેડ કરી હતી ત્યારે જાહેરમાં જુગાર રમતા રમેશભાઈ બાબુભાઈ સાતોલા (ઉમર ૪૨) અને ચંદુભાઈ ગોવિંદભાઈ બારૈયા (ઉમર ૪૮) જુગાર રમતા મળી આવ્યા હતા. જેથી પોલીસે તેની પાસેથી ૧૨૦૦ ની રોકડ કબજે કરી જુગારધારા હેઠળ ગુનો નોંધી આગળની કાર્યવાહી હાથ ધરી હતી
મોરબીમાં વિદ્યુતનગર પાસે જાહેરમાં જુગારની રેડ કરવામાં આવી હતી ત્યારે કિશનભાઈ સવજીભાઇ કુવરિયા (૨૨), વિજયભાઈ રમેશભાઈ ગોસ્વામી (૧૯), સુનિલ દીપકભાઈ મોરવડીયા (૨૦), સન્ની ઉર્ફે ચનો મનુભાઈ કોળી (૨૨), અશ્વિનભાઈ ગંગારામભાઈ જોટાણીયા (૨૦) અને સુરેશગીરી સુખદેવગીરી ગોસ્વામી (૨૦) જુગાર રમતા મળી આવ્યા હતા જેથી પોલીસે ૬૫૬૦ ની રોકડ કબજે કરીને આગળની કાર્યવાહી કરી હતી
વાંકાનેર તાલુકાના સિંધાવદર ગામે દિનેશભાઈ સોમાભાઈ વીરસોડિયાના મકાન પાસે જાહેરમાં જુગાર રમતા હોવાની બાતમી મળી હતી જેના આધારે સ્થાનિક પોલીસે ત્યાં જુગારની રેડ કરતા જીતેશભાઈ નાનજીભાઈ દલસાણીયા (ઉંમર ૨૧), મિતેશભાઇ રવજીભાઈ સોલંકી (ઉમર ૨૮) અને દિનેશભાઈ ઉર્ફે દીલો સોમાભાઈ વિરસોડિય (ઉંમર ૪૨) જુગાર રમતા મળી આવ્યા હોય પોલીસે ૬૭૦૦ ની રોકડ કબજે કરી આગળની કાર્યવાહી હાથ ધરી હતી
