મોરબી તાલુકામાંથી સગીરાનું અપહરણ કરી દુષ્કર્મ આચરનાર આરોપીની ધરપકડ
Morbi Today
વાંકાનેર સીટી પોલીસે જાહેરમાં જુગાર રમતા ત્રણને રોકડ રકમ સાથે દબોચ્યા
SHARE
JOIN OUR GROUP
વાંકાનેર સીટી પોલીસે જાહેરમાં જુગાર રમતા ત્રણને રોકડ રકમ સાથે દબોચ્યા
મોરબી જિલ્લાના વાંકાનેર સીટી પોલીસ સ્ટાફને મળેલ બાતમીને આધારે તેઓએ રેડ કરી હતી અને જાહેરમાં જુગાર રમી રહેલા ત્રણ પતાપ્રેમીઓની રોકડ રકમ સાથે ધરપકડ કરવામાં આવેલ છે.
મોરબી જીલ્લા પોલીસવડા રાહુલ ત્રિપાઠી દ્વારા જીલ્લામાં દારૂ-જુગારની બદીઓને દુર કરવા કડક સુચના આપેલ હોય વાંકાનેર સીટી પોલીસ મથકના સર્વેલન્સ સ્ટાફના હરપાલસિંહ પરમાર તથા પ્રતિપાલસિંહ વાળાને સંયુક્તમા ખાનગીરાહે હકીકત મળેલ કે, વાંકાનેરની ભાટીયા સોસાયટીમાં ભુતનાથ મંદીર વાળી શેરીમાં અમુક ઈસમો જાહેરમા ગંજીપત્તાના પાના અને પૈસા વડે હારજીતનો જુગાર રમે છે તે ચોક્કસ હકીકત આધારે તે જગ્યાએ રેઈડ કરતા જાહેરમાં જુગાર રમી રહેલા આફતાબભાઈ મહેબુબભાઈ મેસાણીયા (ઉ.વ.૨૧) રહે.વાંકાનેર ભાટીયા સોસાયટી, હીતેશભાઇ કેશુભાઈ ચાવડા (ઉ.વ.૨૭) રહે.વાંકાનેર મીલપ્લોટ નવજીવન સોસાયટી અને રાકેશકુમાર જાનકીપ્રસાદ વર્મા (ઉ.વ.૪૧) રહે.હાલ ભાટીયા સોસાયટી ભુતનાથવાળી શેરી મુળ રહે.ઈલીયાશપુર તા.હૈદરગઢ જી.બારામતી યુ.પી ની સ્થળ ઉરરથી રોકડા રૂા.૧૧,૧૨૦ સાથે ધરપકડ કરવામાં આવી હતી.રેડની કામગીરી પીઆઇ એન.એ.વસાવા, યશપાલસિંહ પરમાર, હરપાલસિંહ પરમાર, હરદિપસિંહ ઝાલા, દિવ્યરાજસિંહ ઝાલા, કૃષ્ણરાજસિંહ ઝાલા, ધર્મરાજભાઈ કીડીયા તથા પ્રતિપાલસિંહ વાળા દ્રારા કરવામાં આવી હતી.
ઓઇલ પી જતા સારવારમાં
મોરબીના રેલ્વે સ્ટેશન પાછળના વિસ્તારમાં રહેતો જુસબ હાસમભાઈ ભટ્ટી નામનો ૧૮ વર્ષનો યુવાન વિજય ટોકીઝ પાસે કોઈ કારણોસર ઓઇલ પી જતા તેને સારવાર માટે સિવિલ હોસ્પિટલે ખસેડવામાં આવ્યો હતો.જેથી એ ડિવિઝન પોલીસ મથકના મેરૂભાઈ રોજાસરા દ્વારા તપાસ હાથ ધરવામાં આવેલ છે. જ્યારે કચ્છ જિલ્લાના રાપર તાલુકાના ખેંગારપર ગામે રહેતા સંગીતાબેન રમેશભાઈ ચુરાભાઈ વરચંદ નામની ૨૪ વર્ષીય મહિલા કોઈ અગમ્ય કારણોસર ઝેરી દવા પી જતા તેણીને સારવાર માટે અહીંની મંગલમ હોસ્પિટલે લાવવામાં આવી હતી અને તે બનાવવા અંગે પણ નોંધ કરી એ ડિવિઝન પોલીસ મથકના મેરૂભાઈએ પ્રાથમિક તપાસ કરીને બનાવ સંદર્ભે આગળની તપાસ અર્થે રાપર પોલીસને બનાવની જાણ કરી હતી.જ્યારે માળિયા મિંયાણાના નાના ભેલા ગામે રહેતા બચુભાઈ દેસાભાઇ ચાવડા નામનો ૩૯ વર્ષીય યુવાન શહેરના વીસીપરા નજીકથી બાઈકમાં જતો હતો ત્યાં બાઇક સ્લીપ થઈ જતા ઈજાગ્રત થયેલા બચુભાઈને સારવારમાં ખસેડાયો હતો.
