મોરબીના રંગપર ગામે દંપતીએ ઝેરી દવા પી લેતા બંનેને સારવારમાં ખસેડાયા
SHARE
JOIN OUR GROUP
મોરબીના રંગપર ગામે દંપતીએ ઝેરી દવા પી લેતા બંનેને સારવારમાં ખસેડાયા
મોરબીના જેતપર રોડ ઉપર આવેલ રંગપર ગામની સીમમાં દલસુખભાઈ મનજીભાઈ પટેલની વાડીએ રહીને ખેત મજૂરીનું કામ કરતા દંપતીએ કોઈ અગમ્ય કારણોસર ઝેરી દવા પી લેતા બંનેને ૧૦૮ વડે દવાખાને સારવાર માટે લઈ જવામાં આવ્યા છે અને હાલ બનાવને પગલે તાલુકા પોલીસે નોંધ કરીને આગળની તપાસ શરૂ કરેલ છે.
બનાવ અંગે જાણવા મળતી વિગતો મુજબ મોરબી તાલુકાના રંગપર ગામની સીમમાં દલસુખભાઇ મનજીભાઇ પટેલની વાડીએ રહી ખેતી કરતા રીનેશભાઇ સુખદેવભાઇ સીમલદેવ (ઉમર ૨૧) અને અરૂણાબેન રીનેશભાઇ સીમલદેવ (ઉમર ૧૮) નામના દંપતીએ કોઈ અગમ્ય કારણોસર ઝેરી દવા પી લેતા બન્નેને ૧૦૮ વડે મોરબીની સિનિલ હોસ્પિટલે ખસેડવામાં આવ્યા છે. હાલ દંપતી સભાન અવસ્થામાં છે અને એકાદ વર્ષ પૂર્વે જ બંનેના લગ્ન થયા હોવાનું તાલુકા પોલીસની પ્રાથમિક તપાસમાં સામે આવેલ છે.બનાવની નોંધ કરીને કારણ અંગે તાલુકા પોલીસે આની તપાસ શરૂ કરેલ છે.
વાહન અકસ્માતમાં ઇજા
મોરબીના માળિયા મીંયાણા તાલુકાની પીપળીયા ચોકડીથી મોટા દહીંસરા તરફ જતા રસ્તે તરૂણ જ્યોત કોલસાના ડેલા પાસે વાહન અકસ્માતનો બનાવ ગત તા.૨૭-૮ ના રોજ સર્જાયો હતો.જેમાં ઇકો ગાડી નંબર જીજે ૩ ઇએલ ૨૫૦૦ લઈને જઈ રહેલ સંજય ધીરૂભાઈ હુંબલ જાતે આહીર (૩૬) રહે.મોટા દહિંસરા માળીયા(મિં.) પોતાની ઇકો લઇને જતો હતો ત્યારે પોતાના વાહન ઉપર કાબુ ન રહેતા આગળ જતા ટ્રક નંબર જીજે ૧૨ બીડબલ્યુ ૮૩૧૪ ની પાછળ પોતાની ઇકો કાર અથડાવી હતી.જેથી તેને પગના ઢીંચણના ભાગે ફેકચર જેવી ઇજાઓ પહોંચી હતી અને માથામાં તેમજ કપાળમાં ઇજાઓ પહોંચી હતી અને ઈકો ગાડીમાં નુકસાન પહોંચ્યું હતું.હાલ સંજય ધીરૂભાઈ હુંબલે પોતે જ પોતાના વિરુદ્ધ માળીયા મીંયાણા પોલીસ મથક ખાતે ફરિયાદ નોંધાવતા હેડ કોન્સ્ટેબલ આર.એમ.ગરચરે આગળની તપાસ હાથ ધરી છે..!
રીક્ષા પલ્ટી જતા ઇજા
મોરબીના વીસીપરામાં આવેલ સનરાજ પાર્ક વિસ્તારમાં રહેતા રહીમભાઇ લાખાભાઈ સુમરા નામના ૪૬ વર્ષીય યુવાનને વિસીપરામાં જ આવેલા કુલીનગર નજીક જલજલા પાન પાસે રીક્ષા પલ્ટી મારી જવાના અકસ્માત બનાવમાં ઇજાઓ પહોંચતા તેને સારવાર માટે લઈ જવાયો હતો.જ્યારે મોરબીના સામાકાંઠે શોભેશ્વર રોડ ઉપર કુબેર ટોકીઝની પાછળના વિસ્તારમાં રહેતા ગંગાબાઈ ગોપાલભાઈ નામના ૩૭ વર્ષના મહિલા બાઇકના પાછળના ભાગે બેસીને જતા હતા ત્યારે શોભેશ્વર રોડ ઉપર તેઓ બાઈકમાંથી નીચે પડી જતા ગંગાબાઇને સારવાર માટે ખસેડાયા હતા.
