મોરબી મુખ્ય પોસ્ટ ઓફિસે સુકન્યા સમૃદ્ધિ યોજના માટે કેમ્પ યોજાશે
SHARE
JOIN OUR GROUP
મોરબી મુખ્ય પોસ્ટ ઓફિસે સુકન્યા સમૃદ્ધિ યોજના માટે કેમ્પ યોજાશે
મોરબી મુખ્ય પોસ્ટ ઓફિસમાં સુકન્યા સમૃદ્ધિ યોજના માટે તા. ૧૪-૦૯-૨૨ થી ૧૬-૦૯-૨૨ સુધી કેમ્પ યોજાશે જેનો લાભ લેવા માટે અધિકારીએ અનુરોધ કરેલ છે
ભારત સરકાર ની ૦ થી ૧૦ વર્ષ સુધીની દિકરીઓ માટેની ખુબ જ લોકપ્રિય યોજના સુકન્યા સમૃદ્ધિ યોજના જે સૌથી સારું વળતર તેમજ દિકરી ને પગભર થવા, ઉચ્ચ અભ્યાસ, આત્મનિર્ભર બનવા,તેમજ લગ્ન પ્રસંગે મળવાપાત્ર લાભો માટેની ઉત્કૃષ્ટ યોજના છે આ યોજનાને ખુબ જ પ્રતિસાદ મળ્યો છે અને છતાં પણ ઘણી જ દિકરીઓ આ યોજનાથી વંચિત રહી જાય તે માટે મોરબી મુખ્ય પોસ્ટ ઓફિસમાં તારીખ ૧૪-૦૯-૨૨ થી ૧૬-૦૯-૨૨ ના રોજ ત્રણ દિવસ કેમ્પનું આયોજન કરવામાં આવેલ છે
આ ખાતું ખોલવા માટે કન્યાના જન્મ તારીખ નો દાખલો,વાલીનું આધાર કાર્ડ અને પાન કાર્ડની ઝેરોક્ષ કોપી અને વાલી ના પાસપોર્ટ સાઈઝ ના ૨ ફોટોગ્રાફ, અને ૨૫૦ સાથે હાજર રહેવું અને સ્થળ પર જ ફોર્મ ભરી આપવામાં આવશે.તે માટેની વ્યવસ્થા કરવામાં આવેલ છે.તો આ કેમ્પ સવારના ૯ થી ૫ દરમ્યાન આંખો દિવસ ચાલું રહેશે. અને કન્યાના ભવિષ્ય માટે અને ઉચ્ચતમ વ્યાજ દર માટે આ સરસ મજાની યોજનાનો મોટી સંખ્યામાં આ કેમ્પનો લાભ લેવા અધિકારી જે.આર.રાવલે અખબારી યાદીમાં જણાવેલ છે.
