મોરબીના જેતપર રોડનું ૧૪૧ કરોડનું ટેન્ડર મંજુર કરાવતાં મંત્રી બ્રિજેશ મેરજ
Morbi Today
મોરબી : માળીયા મીંયાણાના વાંઢ વિસ્તારમાં ઢોર ચરાવવા બાબતે થયેલ ડખ્ખામાં માતા-પુત્રની લોથ ઢળી
SHARE
JOIN OUR GROUP
મોરબી : માળીયા મીંયાણાના વાંઢ વિસ્તારમાં ઢોર ચરાવવા બાબતે થયેલ ડખ્ખામાં માતા-પુત્રની લોથ ઢળી
મોરબી જિલ્લામાં છેલ્લા ઘણા સમયથી કાયદો અને વ્યવસ્થા ખાડે ગયેલી હોય તેવા બનાવો વારંવાર બને છે જેમાં વધુ એક ડબલ મર્ડરના બનાવનો ઉમેરો થયો છે.જેમાં મોરબીના માળિયા મીંયાણા તાલુકામાં આવેલા કોઇબા વાંઢ વિસ્તારની અંદર ઢોર ચરાવવા જેવી નજીવી બાબતે ભત્રીજા દ્વારા તિક્ષ્ણ હથીયાર વડે કરવામાં આવેલા હુમલામાં માતા અને પુત્ર એમ બે ની લોથ ઢળતા મામલો ડબલ મર્ડરમાં પલટાયો હતો હાલ બનાવને પગલે પોલીસ કાફલો બનાવ સ્થળે અને મોરબી સિવિલે પહોંચ્યો હતો અને બનાવની આગળની તજવીજ શરૂ કરવામાં આવેલ છે.
ઉપરોક્ત બનાવની મોરબી સિવિલ હોસ્પીટલે એકત્રીત થયેલ લોકો પાસેથી જાણવા મળતી વિગતો મુજબ માળીયા મીંયાણા તાલુકાના કોઈબા વાંઢ વિસ્તારમાં ઢોર ચરાવવા બાબતે મારામારીનો બનાવ બન્યો હતો જેમાં કૌટુંબિક ભત્રીજા શાહરૂખ મોવર નામના હુમલાખોર દ્રારા તેની કૌટુંબીક કાકી ઝરીનાબેન યુસુબભાઇ મોવર (ઉમર ૫૦) અને કાકાના દીકરા ભાઈ હબીબ યુસુબભાઇ મોવર (ઉમર ૨૦) એમ માતા-પુત્ર ઉપર તીક્ષ્ણ હથીયાર વડે હુમલો કર્યો હતો.જેથી કરીને ઝરીનાબેન મોવર અને હબીબ મોવર બંનેના મોત નિપજયા હતા અને બેવડી હત્યાના બનાવમાં માતા-પુત્રના મૃતદેહને પ્રથમ મોરબી સિવિલ હોસ્પિટલ ખાતે લાવવામાં આવ્યા હતા જ્યાંથી યુવાન હબીબભાઇના મૃતદેહને પીએમ માટે પુન: માળિયા લઈ ગયા છે જોકે મહિલા ઝરીનાબેનનો મૃતદેહ હાલમાં મોરબી સિવિલ હોસ્પિટલ ખાતે રાખવામાં આવેલ છે.ડબલ હત્યાના આ બનાવની માળિયા મીંયાણા તાલુકા પોલીસને જાણ કરવામાં આવતા પોલીસ કાફલો હાલમાં ઘટના સ્થળે પહોંચ્યો છે અને આ બેવડી હત્યાના બનાવમાં ફરિયાદ લેવા માટે અને આરોપીને પકડવા માટે થઈને તજવીજ શરૂ કરવામાં આવી હોવાનું જાણવા મળેલ છે. morbitoday.com
