મોરબીમાં ગૌશાળાના લાભાર્થે રાહતભાવે માધવ ફટાકડા સ્ટોલ શરૂ
SHARE
JOIN OUR GROUP
મોરબીમાં ગૌશાળાના લાભાર્થે રાહતભાવે માધવ ફટાકડા સ્ટોલ શરૂ
મોરબીના લોકો દ્વારા મોટા ભાગના તહેવારોની સાથે ગૌસેવાને જોડવામાં આવે છે અને તેમાં લોકો તરફથી સારો સહકાર પણ મળે છે ત્યારે મોરબીમાં ગૌશાળાના લાભાર્થે જુદાજુદા ચાર સ્થળે માધવ ફટાકડા સ્ટોલ શરૂ કરવામાં આવેલ છે અને ત્યાંથી શહેરીજનો રાહતભાવે તદન નવા અને આધુનિક ફટાકડા મળશે અને આ ચારેય સ્ટોલ ઉપરથી જે ફટાકડાનું વેચાણ થશે અને તેના થકી જે આવક થશે તે રકમને ગૌસેવાના કાર્યમાં વાપરવામાં આવશે
મોરબી નજીકના રવાપર ગામે સમસ્ત રવાપર ગામ સંચાલિત માધવ ગૌશાળાના લાભાર્થે બાપા સીતારામ ચોક, રવાપર કેનાલ ચોકડી, બોની પાર્ક પાસે ધરતી ટાવરની બાજુમાં અને ક્રિષ્ના સ્કૂલ પાસે માધવ ફટાકડા સ્ટોલનું આયોજન કરેલ છે. અને આ ચારેય સ્ટોલ ઉપર લોકોને રાહતભાવેથી ફટાકડા વેચવામાં આવી રહ્યા છે અને આ સ્ટોલમાં ફટાકડાના વેચાણથી જે નફાની જે આવક થશે તે તમામ રકમને માધવ ગૌશાળામાં ગૌસેવા માટે આપવામાં આવશે જેથી કરીને રવાપર ગામના લોકો, ઉદ્યોગકારો સહિતના નગરજનોને આ ચારેય સ્ટોલ ઉપરથી ફટાકડાની ખરીદી કરીને ગૌસેવાના સારા કાર્યમાં સહભાગી થવા માટે આયોજકો દ્વારા અનુરોધ કરવામાં આવેલ છે
