ટંકારાના નાના ખીજડીયા ગામે રહેતી યુવતીને મોઢામાં પડેલા ચાંદાની સારવાર દરમ્યાન મોત
SHARE
JOIN OUR GROUP
ટંકારાના નાના ખીજડીયા ગામે રહેતી યુવતીને મોઢામાં પડેલા ચાંદાની સારવાર દરમ્યાન મોત
ટંકારા તાલુકાના નાના ખીજડીયા ગામે રહેતી યુવતીને મોઢામાં ચાંદા પડ્યા હતા જેથી કરીને ટંકારાની સ્થાનિક ખાનગી હોસ્પિટલમાં સારવાર લીધા બાદ તેને વધુ સારવાર માટે મોરબી અને ત્યાંથી રાજકોટ લઈ ગયા હતા અને સારવાર દરમિયાન તે યુવતીનું મોત નીપજયું હતું જેથી આ બનાવની ટંકારા તાલુકા પોલીસની જાણ કરવામાં આવતા પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી પ્રમાણે ટંકારા તાલુકાના નાના ખીજડીયા ગામે રહેતા ઉગાભાઇ ઉર્ફે છગનભાઈ ચૌહાણની દીકરી સોનલબેન (ઉંમર ૨૨) ને ચારેક દિવસ પહેલા મોઢામાં ચાંદા પડ્યા હતા જેથી તેને સારવાર માટે ટંકારામાં આવેલ શિવ હોસ્પિટલ ખાતે લઈ ગયા હતા ત્યારબાદ તેની તબિયત લથડતા શિવ હોસ્પિટલના બદલે તેને ટંકારાની વેદ હોસ્પિટલમાં સારવાર માટે લઈ જવામાં આવી હતી અને તેમ છતાં પણ તેને કોઈ ફેર ન પડતા મોરબીની આયુષ હોસ્પિટલમાં લાવ્યા હતા અને ત્યાંથી તેને રાજકોટ ખાતે બેભાન હાલતમાં સારવાર માટે લઈને ગયા હતા અને ત્યાં ફરજ ઉપરના ડોક્ટરે તેને જોઈ તપાસીને મૃત જાહેર કરી હતી જેથી આ બનાવવાની રાજકોટ સિવિલ હોસ્પિટલ મારફતે ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરીને રાબેતા મુજબની કાર્યવાહી હાથ ધરી છે
