મોરબી નાનીબજારમાં રહેતા શખ્સનાં ઘરમાંથી ૪૯૦૦૦ ની કિંમતની દારૂની ૧૩ બોટલો પકડાઈ

મોરબીમાં નાનીબજાર વિશ્વકર્મા મંદીરની બાજુમાં રહેતા બુટલેગરના ઘરે ફરી પછી દારૂની રેડ કરવામાં આવી હતી ત્યારે તેના ઘરમાંથી મોંઘીદાટ દારૂની ૧૩ બોટલો મળી આવી હતી જેથી કરીને પોલીસે તેની પાસેથી ૪૯,૦૦૦ ની કિંમતની દારૂની બોટલો કબજે કરી હતી અને આરોપીની ધરપકડ કરીને પોલીસે આગળની કાર્યવાહી કરી હતી. 

મોરબી જીલ્લા પોલીસ અધિક્ષક રાહુલ ત્રિપાઠીએ વિધાનસભાની ચૂંટણીને ધ્યાનમાં રાખીને દારૂના દૂષણને ડામવા માટે અધિકારીઓને સૂચના આપેલ છે ત્યારે મોરબી એ ડીવીજનના પીઆઇ પી.એ.ઝાલાના માર્ગદર્શન હેઠળ ટીમ કામ કરી રહી છે ત્યારે મોરબી સીટી એ ડીવીઝનનો સ્ટાફ પેટ્રોલીગમાં હતો ત્યારે સિધ્ધરાજભાઈ લોખીલને મળેલ હકિકત આધારે મોરબી નાની બજાર વિશ્વકર્મા મંદીર પાસે રહેતા યોગીરાજસિંહ ખોડુભા વાઘેલાના રહેણાક મકાનમાં વિદેશી દારૂની રેડ કરી હતી ત્યારે તેના ઘરમાંથી વિદેશી દારૂનો જથ્થો મળી આવ્યો હતો જેથી પોલીસે યોગીરાજસિંહ ખોડુભા વાઘેલા જાતે દરબાર રહે. નાનીબજાર વિશ્વકર્મા મંદીરની બાજુમાં મોરબી વાળાની ધરપકડ કરેલ છે અને તેની પાસેથી સીવાસ રીગલ બ્લેન્ડેડ સ્કોચ વ્હીસ્કીની ૮ બોટલ જેની કિંમત ૨૪,૦૦૦ તથા જહોની વોલ્કર ડબલ બ્લેક બ્લેન્ડેડ ગુડસ વ્હીક્સી ૫ બોટલ જેની કિંમત ૨૫,૦૦૦ આમ કુલ મળીને ૪૯,૦૦૦ નો મુદામાલ કબ્જે કરેલ છે.