મોરબીના લાયન્સનગર-ગોકુલનગરમાં અધૂરા કામ પૂરા કરવા માટે સામાજિક કાર્યકરની માંગ
Morbi Today
મોરબીના વાંકાનેર હાઇવે ઉપર અજાણ્યા વાહનના ચાલકે રીક્ષાને હડફેટ લેતા રીક્ષા ચાલકનું કમકમાટીભર્યું મોત
SHARE
JOIN OUR GROUP
મોરબીના વાંકાનેર હાઇવે ઉપર સરતાનપર ચોકડી નજીક અજાણ્યા વાહનના ચાલકે રીક્ષાને હડફેટ લેતા રીક્ષા ચાલકનું કમકમાટીભર્યું મોત
મોરબી-વાંકાનેર નેશનલ હાઈવે ઉપર આવેલ સરતાનપર ચોકડી નજીક ગત મોડી રાત્રીના ગોજારો વાહન અકસ્માતનો બનાવ બન્યો હતો જેમાં અજાણ્યા વાહનના ચાલકે ઓટો રિક્ષાને હડફેટ લેતા ઓટો રીક્ષા ચાલક એવા સૈયદ આધેડનું માથાના ભાગે વાહનના તોતીંગ વ્હીલ ફરી વળતા કમકમાટીભર્યું મોત નીપજયુ હોવાનું જાણવા મળેલ છે.
બનાવની જાણવા મળતી વિગતો મુજબ મોરબીના વાંકાનેર હાઇવે ઉપર સરતાનપર ચોકડી પાસે આવેલા તુલસી પેટ્રોલ પંપ પાસેથી પોતાની ઓટો રીક્ષા નંબર જીજે ૩૬ યુ ૧૧૧૯ લઈને જઈ રહેલા અકબરમિંયા હૈદરમિંયા કાદરી જાતે સૈયદ (ઉમર ૫૫) રહે. વાવડી રોડ મોરબી નામના ઓટો રીક્ષા ડ્રાઇવરની રીક્ષાને તા.૧૭-૧૧ ના વહેલી સવારના ચારેક વાગ્યાના અરસામાં અજાણ્યા વાહન ચાલકે સરતાનપર ચોકડી નજીક હડફેટે લીધી હતી જેથી કરીને ઓટો રિક્ષા રેલિંગ સાથે અથડાઈ હતી અને ઓટોરિક્ષાના ચાલક અકબરમિંયા કાદરી રોડ ઉપર પડી ગયા હતા ત્યારે અજાણ્યા વાહનનું ટાયર તેઓના માથાના ભાગ ઉપરથી ફરી વળતા તેમજ શરીરના ભાગે ગંભીર ઇજાઓ થતા ઘટના સ્થળે અકબરમિંયા હૈદરમિંયા કાદરી નામના આધેડનું મોત નીપજ્યું હતું. બનાવ સંદર્ભે મૃતકના ભાઈ બસીરમિંયા હૈદરમિંયા કાદરી જાતે સૈયદ (૫૧) ધંધો રિક્ષા ડ્રાઇવિંગ રહે. વાંકાનેર બાવાગોરની તકીયાવાડી શેરી વાળાએ મોરબી તાલુકા પોલીસ મથક ખાતે અજાણ્યા વાહનના ચાલક સામે ફરિયાદ નોંધાવતા પોલીસે બનાવની નોંધ કરી આગળની તજવીજ શરૂ કરી છે.
એસિડ પી જતા સારવારમાં
મોરબીના વાંકાનેર હાઇવે ઉપર આવેલ રફાળેશ્વર ગામે રહેતી દમયંતીબેન રમેશભાઈ ચૌહાણ નામની ૩૨ વર્ષીય મહિલાએ કોઈ અગમ્ય કારણોસર તેના ઘેર પીળા કલરનું એસિડ પી લેતા તેમને સારવાર માટે સિવિલ હોસ્પિટલે ખસેડવામાં આવી હતી બનાવને પગલે જાણ થવાથી હાલ તાલુકા પોલીસ મથકના મણીભાઈ ગામેતી દ્વારા બનાવ અંગે નોંધ કરી આગળની તપાસ હાથ ધરવામાં આવી છે. જ્યારે મોરબીના ઘુંટુ ગામે રહેતા વંદનાબેન રમેશભાઈ વિજુંવાડીયા નામની ૨૬ વર્ષીય મહિલાને ઘુંટુ ગામ પાસે આવેલ રામરાજ હોટલ નજીક અજાણ્યા બાઇક ચાલકે હડફટે લેતા ઇજાઓ થતા વંદનાબેનને સારવાર માટે અત્રે આયુષ હોસ્પિટલ ખસેડવામાં આવ્યા હતા. જ્યારે મોરબીની કુબેર સિનેમા નજીક આવેલ યોગીનગર વિસ્તારમાં રહેતા પ્રેમીલાબેન ઉન્નીક્રિષ્ના નૈર નામની મહિલાને જૂની ઓરિએન્ટલ બેંક પાસે ત્રાજપર ચોકડી નજીક અજાણી બાઇકના ચાલાકે ઝપટે લેતા માથાના ભાગમાં ઇજાઓ થતા પ્રેમીલાબેનને સારવાર માટે ખસેડવામાં આવ્યા હતા.
