ટંકારાના ઉમિયાનગર ગામ પાસે ટ્રેક્ટરમાંથી નીચે પડી ગયેલ આધેડને છાતી અને માથાના ભાગે ઇજા થતાં મોત
SHARE
JOIN OUR GROUP
ટંકારાના ઉમિયાનગર ગામ પાસે ટ્રેક્ટરમાંથી નીચે પડી ગયેલ આધેડને છાતી અને માથાના ભાગે ઇજા થતાં મોત
ટંકારા તાલુકાના ઉમિયા નગર ગામ પાસેથી ટ્રેક્ટર પસાર થતું હતું ત્યારે ટ્રેક્ટર ચાલકે બ્રેક મારતા ટ્રેક્ટરના પંખા ઉપર બેઠેલ આધેડ નીચે પટકાયા હતો અને તેને માથા તેમજ છાતીના ભાગે ગંભીર ઇજા થવાથી તેઓનું મોત થયુ હતું જેથી કરીને હાલમાં ટ્રેક્ટર ચાલક સામે મૃતકના ભાઇએ ફરિયાદ નોંધાવતા પોલીસે આરોપીને પકડવા માટે તજવીજ શરૂ કરેલ છે
બનાવની જાણવા મળતી વિગત પ્રમાણે મૂળ ટંકારા તાલુકાના ઉમિયાનગર ગામના રહેવાસી અને હાલમાં સનાળા ગામે ભગડા મામા વાળી શેરીમાં રહેતા અરજણભાઈ સવજીભાઈ બોરસણીયા જાતે પટેલ (ઉંમર ૬૦) એ ટ્રેક્ટર નંબર જીજે ૯ બી ૫૪૯૮ ના ચાલક દુર્લભજીભાઈ રામજીભાઈ રહે. ઉમિયાનગર વાળા સામે ફરિયાદ નોંધાવી છે જેમાં તેને જણાવ્યું છે કે ઉમિયાનગર ગામની સીમમાંથી આરોપી પોતાના હવાલા વાળું ટ્રેક્ટર લઈને ઢાર ઉતારતા હતા ત્યારે અચાનક તેણે ટ્રેક્ટરની બ્રેક મારી હતી જેથી કરીને ટ્રેક્ટરના જમણી સાઈડના પંખા ઉપર બેઠેલ રમેશભાઈ સવજીભાઈ બોરસણીયા અકસ્માતે નીચે પડ્યા હતા જેથી કરીને તેને છાતી અને માથાના ભાગે ગંભીર ઇજા થતા તેઓનું મોત નિપજ્યુ હતું હાલમાં મૃતકના ભાઈની ફરિયાદ લઈને પોલીસે ટ્રેક્ટર ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે
