મોરબીના ધારાસભ્ય કાંતિભાઈ અમૃતિયાની પ્રદેશ પ્રમુખ પાટિલે પીઠ થબથબાવી
Morbi Today
વાંકાનેર નજીક પેપર મીલમાં મહિલાનું મોત નિપજાવનાર લોડર મશીનના ચાલક સામે ગુનો નોંધાયો
SHARE
JOIN OUR GROUP
વાંકાનેર નજીક પેપર મીલમાં મહિલાનું મોત નિપજાવનાર લોડર મશીનના ચાલક સામે ગુનો નોંધાયો
વાંકાનેર તાલુકાના પંચસિયા પાસે આવેલ બ્રાઉનીયા પેપરમીલમાં કામ કરતાં યુવાનની પત્નીને લોડર મશીનના ચાલકે હડફેટે લીધી હતી જેથી કરીને તે મહિલાનું મોત નીપજયું હતું જે બનાવમાં હાલમાં મૃતક મહિલાના પતિએ વાંકાનેર તાલુકા પોલીસ સ્ટેશન ખાતે લોડર મશીનના ચાલકની સામે ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
જાણવા મળતી માહિતી મુજબ મૂળ રાજસ્થાનના રહેવાસી અને હાલમાં વાંકાનેર તાલુકાના પંચાસિયા ગામે આવેલ બ્રાઉનિયા પેપર મીલ નામના યુનિટમાં મજૂરી કામ કરતાં કરણસીંહ રસીયા પટેલ (૨૭)એ લોડર વાહન નંબર જી.જે ૩૬ એસ ૨૮૧૯ ના ચાલક ગુમાનભાઇ જોગડાભાઇ કટારા રહે. ખરસાણા તાલુકો જાલોદ જીલ્લો દાહોદ વાળાની સામે અકસ્માતની ફરિયાદ નોંધાવી છે જેમાં તેને જણાવ્યુ છે કે, ગત તા.૧૫/૧૧/૨૦૨૨ ના સવારના આશરે અગીયારેક વાગ્યાના અરસામાં તેની પત્ની કારખાનામાં કામ કરી રહી હતી ત્યારે ફરિયાદીની પત્ની સાગરદેવી કરણસીંહ પટેલ (૨૬) ને લોડર મશીનના ચાલકે હડફેટે લીધી હતી જેથી તેણીનું ઘટના સ્થળે જ મોત નીપજયું હતું અને તેના મૃતદેહને જે તે સમયે મોરબીની સિવિલ હોસ્પિટલે લાવવામાં આવ્યો હતો. આ બનાવને પગલે મોરબી સીટી એ ડિવિઝન પોલીસ મથકના હરેશભાઈ ચાવડાએ ત્યારે પ્રાથમિક તપાસ કરી હતી અને વાંકાનેર તાલુકા પોલીસને બનાવની જાણ કરવામાં આવી હતી જેથી બીટ વિસ્તારના જમાદાર મૌમજીભાઇ ચૌહાણ દ્વારા આગળની તજવીજ શરૂ કરવામાં આવી હતી જો કે, યુવાન તેની પત્નીની અંતિમક્રિયામાં રોકાયેલ હોવાથી તેને હાલમાં વાંકાનેર તાલુકા પોલીસ સ્ટેશને ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરી છે.
