મારી સામે સિગરેટ પીવે છે કહીને મોરબીમાં યુવાન અને તેની બહેનને બે મહિલા સાથે ચાર વ્યક્તિએ માર માર્યો
SHARE
JOIN OUR GROUP
મારી સામે સિગરેટ પીવે છે કહીને મોરબીમાં યુવાન અને તેની બહેનને બે મહિલા સાથે ચાર વ્યક્તિએ માર માર્યો
મોરબીના સામાકાંઠા વિસ્તારમાં આવેલ ઇન્દિરા નગરમાં અગાઉ મારા મારી થયેલ હતી ત્યાર બાદ હાલમાં તે બનાવમાં વળતી ફરિયાદ નોંધાવવામાં આવી છે અને યુવાન ત્યાં ઊભો સિગરેટ પીતો હતો ત્યારે ટી મારી સીગરેટ પીવે છે તેમ કહીને ગાળો આપી હતી અને ત્યાર બાદ ઢીકાપાટુનો માર માર્યો હતો જેથી કરીને યુવાનની બહેને હાલમાં બે મહિલા સહિત ચાર વ્યક્તિઓની સામે ફરિયાદ નોંધાવતાં પોલીસે ગુનો નોંધીને આરોપીઓને પકડવા માટે તજવીજ શરૂ કરી છે
બનાવની જાણવા મળતી વિગત મુજબ મોરબી શહેરના સામાકાંઠા વિસ્તારમાં મહેન્દ્રનગર ગામ પાસે આવેલ ઇન્દિરાનગરમાં રામદેવપીરના મંદિર સામે રહેતા મનીષાબેન હનાભાઈ ચાવડા (૨૭)એ હાલમાં આનંદભાઈ દિનેશભાઈ ચાવડા, રીષીભાઈ દિનેશભાઈ ચાવડા, કમળાબેન દિનેશભાઈ ચાવડા તથા શીલ્પાબેન આનંદભાઈ ચાવડા રહે. બધા ઈન્દિરાનગર મોરબી વાળાની સામે ફરિયાદ નોંધાવી છે જેમાં તેને જણાવ્યુ છે કે, તેના ભાઈ મનસુખભાઇ સિગરેટ પિતા હતા ત્યારે આરોપી આનંદભાઈ અને રીષીભાઈએ ત્યાં આવીને તું અમારી સામે સીગરેટ પીવે છે તેવું કહીને ગાળો આપી હતી જેથી કરીને મનસુખભાઇએ ગાળો આપવાની ના કહેતા તે બંને શખ્સોએ ઢીકાપાટુનો માર માર્યો હતો જેથી કરીને ફરિયાદી બહેન તેના ભાઈને છોડાવવા માટે વચ્ચે પડી હતી અને ત્યાર બાદ બંને ભાઈ બહેન ઘ બાજુ જતાં હતા ત્યારે કમળાબેન દિનેશભાઈ ચાવડા તથા શીલ્પાબેન આનંદભાઈ ચાવડાએ ત્યાં આવીને ગાળો આપી હતી અને આરોપી આનંદભાઈ અને રીષીભાઈએ ફરી પાછો ઢીકાપાટુનો માર માર્યો હતો અને રીષીભાઈએ તેની પાસે રહેલ છરી વડે હુમલો કર્યો હતો ત્યારે ફરિયાદીના ભાઈને હાથમાં છરી વાગી જતાં આંગળીમાં ઇજા થયેલ હતી અને ફરિયાદીના ભાઈને જાનથી મારી નાખવાની ધમકી આપી હતી જેથી કરીને ભોગ બનેલ મહિલાએ નોંધાવેલ ફરિયાદ આધારે પોલીસે ગુનો નોંધીને બે મહિલા સહિતના ચારેય આરોપીઓને પકડવા માટેની તજવીજ શરૂ કરેલ છે
