મોરબીના વનાળીયા ગામ નજીક વાડીની ઓરડીમાં જુગાર રમતા ૧૩ શખ્સો ૪.૬૩ લાખની રોકડ સાથે પકડાયા
SHARE
JOIN OUR GROUP
મોરબીના વનાળીયા ગામ નજીક વાડીની ઓરડીમાં જુગાર રમતા ૧૩ શખ્સો ૪.૬૩ લાખની રોકડ સાથે પકડાયા
મોરબીના નવલખી રોડ ઉપર આવેલ વનાળીયા ગામની સીમમાં વાડીની ઓરડીમાં જુગાર રમતા હોવાની બાતમી મળી હતી જેના આધારે એલસીબીની ટીમ દ્વારા ત્યાં જુગારની રેડ કરવામાં આવી હતી ત્યારે વાડીના માલિક સહિત કુલ મળીને ૧૩ શખ્સો મળી આવ્યા હતા જેથી પોલીસે તેની પાસેથી રોકડા રૂપિયા ૪,૬૩,૮૦૦ નો મુદ્દામાલ કબજે કર્યો હતો અને તેની સામે મોરબી તાલુકા પોલીસ સ્ટેશન ખાતે ગુનો નોંધીને આગળની રાબેતા મુજબની કાર્યવાહી હાથ ધરવામાં આવી હતી.
જાણવા મળતી માહિતી મુજબ મોરબીના નવલખી રોડ ઉપર આવેલ વનાળીયા ગામની સીમમાં મનોજભાઈ રતિલાલ સદાતીયા જાતે પટેલ રહે. દલવાડી સર્કલ પાસે વૃંદાવન પાર્ક મોરબી વાળાની વાડીની ઓરડીમાં જુગાર રમતા હોવાની બાતમી મળી હતી જેના આધારે મોરબી જિલ્લા એલસીબીની ટીમ દ્વારા ત્યાં જુગારની રેડ કરવામાં આવી હતી અને વાડીના માલિક સહિત કુલ મળીને ૧૩ શખ્સોની પોલીસ દ્વારા ધરપકડ કરવામાં આવી છે જેમાં વાડીના માલિક મનોજભાઇ રતીલાલ સદાતીયા જાતે પટેલ ઉપરાંત ભાવેશભાઇ કાનજીભાઇ ભેસદળીયા જાતે પટેલ (૩૧) રહે. બાયપાસ એસ.આર. પંપની બાજુમાં ટી.વી.એસ. શો રૂમ વાળી શેરીમાં સ્વાગત હીલ્સ એપાર્ટમેન્ટ ફલેટ નં-૫૦૧, પ્રકાશભાઇ નરભેરામભાઇ ભુત જાતે પટેલ (૩૫) રહે. અવની ચોકડી સંકલ્પ એપાર્ટમેન્ટ ફલેટ નં-૪૦૧, મીલનભાઇ રમેશભાઇ ગોપાણી જાતે પટેલ (૨૯) રહે. નેસડા (ખા) હનુમાનજીના મંદીર પાસે તાલુકો ટંકારા, મનીષભાઇ કેશવજીભાઇ મોરડીયા જાતે પટેલ (૩૧) રહે. નાની વાવડી ખોડીયાર ડેરી સામે માહી ટાવર ફલેટ નં-૧૦૧, જયદીપભાઇ ઘનશ્યામભાઇ ભડાણીયા જાતે પટેલ (૨૬) રહે. રવાપર રોડ, રામસેતુ સોસાયટી સહજાનંદ એપાર્ટમેન્ટ ફલેટ નં-૫૦૧, ભાવેશભાઇ ભગવાનજીભાઇ મેરજા જાતે પટેલ (૩૫) રહે. પંચાસર રોડ, શ્રીમદ રાજ સોસાયટી શેરી નં-૦૨, રવીરાજસિંહ ગજેન્દ્રસિંહ ઝાલા જાતે દરબાર (૩૪) રહે. શકત શનાળા, ઇન્દ્રસિંહ ઉર્ફે ઇનુભા ગંભીરસિંહ ઝાલા જાતે દરબાર (૫૨) રહે. કુબેરનગર અશોકપાર્ક, લીલાધરભાઇ બેચરભાઇ સંતોકી જાતે પટેલ (૫૧) રહે. પંચાસર રોડ, રાજનગર બી/૨૨, વિશાલભાઇ હસમુખભાઇ ગાંભવા જાતે પટેલ (૨૯) રહે. નાની કેનાલ રોડ, મારૂતી એપાર્ટમેન્ટ ફલેટ નં-૬૦૧, નંદલાલભાઇ લખમણભાઇ રૈયાણી જાતે પટેલ (૪૦) રહે. સજનપર (ઘુ) વાળાનો સમાવેશ થાય છે અને આ જુગારીઓ પાસેથી પોલીસે રોકડા રૂપિયા ૪,૬૩,૮૦૦ નો મુદ્દામાલ કબજે કર્યો છે અને તેની સામે મોરબી તાલુકા પોલીસ સ્ટેશન ખાતે જુગારધારા હેઠળ ગુનો નોંધીને પોલીસે રાબેતા મુજબની કાર્યવાહી હાથ ધરી છે.
