મોરબીનો યુવાન આફ્રિકાથી મંગાવેલ મોબાઈલ ન લઈ આવતા તેને ધમકાવીને ૩૧૫૦૦ ના મુદામાલની લૂંટ: સામસામી ફરિયાદ
SHARE
JOIN OUR GROUP
મોરબીનો યુવાન આફ્રિકાથી મંગાવેલ મોબાઈલ ન લઈ આવતા તેને ધમકાવીને ૩૧૫૦૦ ના મુદામાલની લૂંટ: સામસામી ફરિયાદ
મોરબીના શનાળા બાયપાસ પાસે આવેલા લાયન્સનગરમાં યુવાન આફ્રિકા હતો ત્યારે તેની પાસેથી મોબાઈલ મંગાવ્યો હતો જે બાબતે બોલાચાલી થઈ હતી તેનું સમાધાન કરવા માટે યુવાન સહિતનાને બોલાવ્યા હતા ત્યારે યુવાનને ધમકાવીને તેની પાસેથી મોબાઈલ અને રોકડા મળીને ૩૧૫૦૦ ના મુદામાલની લૂંટ કરવામાં આવી છે જેથી કરીને ભોગ બનેલા યુવાને હાલમાં પાંચ શખ્સોની સામે ફરિયાદ નોંધાવી હતી તો સામાપક્ષેથી પણ છ શખ્સોની સામે માર માર્યો હોવાની ફરિયાદ નોંધાવવામાં આવતા પોલીસે સામસામી ફરિયાદ લઈને આરોપીઓને પકડવા માટે ચક્રોગતિમાન કરેલ છે
બનાવની જાણવા મળતી માહિતી મુજબ મોરબીના શનાળા બાયપાસ પાસે આવેલ ખોજા પાર્ક સોસાયટીમાં રહેતા ઓમાનભાઇ અશરફભાઇ ધારાણી જાતે ખોજા (ઉ.૨૧)એ સલમાન ઉમેદભાઇ ધારાણી, સાગરભાઇ નવઘણભાઇ ભરવાડ, ડેનીશ મિસ્ત્રી, શાહરૂખભાઇ ચાનીયા અને આશીફભાઇ મોવર રહે. બધા મોરબી વાળાની સામે ફરિયાદ નોંધાવી છે જેમાં તેને જણાવ્યુ છે કે, તેને આરોપી સલમાન ઉમેદભાઇ ધારાણી તથા સાગરભાઇ નવઘણભાઇ ભરવાડએ ધમકાવીને I-PHON XS મોબાઇલ જેની કિંમત ૩૦૦૦૦ તથા રોકડ ૧૫૦૦ ની લુંટ કરી હતી અને બાદ આરોપી સાગરભાઇ નવઘણભાઇ ભરવાડ, ડેનીશ મિસ્ત્રી, શાહરૂખભાઇ ચાનીયા અને આશીફભાઇ મોવરએ ફરીયાદીના ઘર પાસે જઇ છરી દેખાડી ફરીયાદ નહી કરવા જાનથી મારી નાખવાની ધમકી આપી હતી જેથી ભોગ બનેલા યુવાને ફરિયાદ નોંધાવતાં પોલીસે ઇ.પી.કો. કલમ ૩૯૨, ૫૦૬(૨), ૧૧૪ તથા જી.પી.એકટ કલમ-૧૩૫ મુજબ ગુનો નોંધીને આરોપીઓને પકડવા માટે તજવીજ શરૂ કરી છે
તો સામાપક્ષેથી સોઓરડી વરીયા મંદીર પાછળ વાળા શાહરૂખભાઇ હનીફભાઇ ચાનીયા જાતે સંધી (ઉ.૨૦)એ હાલમાં નવઘણભાઇ મોહનભાઇ બાંભવા, ઓમાનભાઇ અશરફભાઇ ધારાણી, કિશનભાઇ રમેશભાઇ અજાણા, વીપુલભાઇ ધારાભાઇ અજાણા, ભરતભાઇ આબલીયા અને પોપટ મેર ઉર્ફે પી.કે. રહે. બધા મોરબી વાળા સામે ફરિયાદ નોંધાવી છે જેમાં તેને લખાવ્યું છે કે, તેના મિત્ર સાગર નવઘણભાઇ ભરવાડએ આરોપી ઓમાનભાઇ અશરફભાઇ ધારાણી આફ્રીકા હોય ત્યારે મોબાઇલ મંગાવેલ હતો જે આરોપી ઓમાનભાઇ અશરફભાઇ ધારાણીએ મોબાઇલ નહી લાવતા સાહેદ સાગરભાઇએ આરોપી ઓમાનભાઇ અશરફભાઇ ધારાણી સાથે બોલાચાલી કરી ઝઘડો કરેલ હતો જેનુ સમાધાન કરવા આરોપી નવઘણભાઇ મોહનભાઇ બાંભવાએ તેઓને બોલાવતા ફરીયાદી તથા સાહેદો સમાધાન માટે ગયા હતા ત્યારે આરોપીઓએ ઉશ્કેરાઇ જઇને લોખંડના પાઇપ, લાકડાના ધોકા અને ઢીકાપાટુનો માર માર્યો હતો ત્યારે આશીફભાઇ મોવરને બંને પગમા ફેકચર કરી નાખેલ છે અને જાનથી મારી નાખવાની ધમકી આપી હતી જેથી પોલીસે આઇ.પી.સી કલમ-૧૪૩, ૧૪૭, ૧૪૮, ૧૪૯, ૩૨૫, ૩૨૩, ૫૦૪, ૫૦૬(૨) તથા જી.પી.એક્ટ કલમ ૧૩૫ મુજબ ગુનો નોંધીને આગળની કાર્યવાહી કરેલ છે
