વાંકાનેરના મક્તાનપર પાસે વાડીના પડામાંથી દારૂની ૧૫ બોટલ ઝડપાઇ: બે શખ્સો સામે ગુનો નોંધાયો
SHARE
JOIN OUR GROUP
વાંકાનેરના મક્તાનપર પાસે વાડીના પડામાંથી દારૂની ૧૫ બોટલ ઝડપાઇ: બે શખ્સો સામે ગુનો નોંધાયો
વાંકાનેર તાલુકાના વડુસરથી મક્તાનપર ગામ તરફ જવાના રસ્તા ઉપર વાડીના પડામાં દારૂનો જથ્થો હોવાની બાતમી મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની ૧૫ બોટલ મળી આવી હતી જેથી કરીને પોલીસે ૫૬૨૫ ની કિંમતનો દારૂનો જથ્થો કબજો કર્યો છે અને બે શખ્સોની સામે વાંકાનેર તાલુકા પોલીસ સ્ટેશન ખાતે ગુનો નોધી આરોપીઓને પકડવા માટે તજવીજ શરૂ કરી છે
બનાવની જાણમાં મળતી વિગત પ્રમાણે વાંકાનેર તાલુકા પોલીસની ટીમને મળેલ બાતમી આધારે પોલીસે વાંકાનેર તાલુકાના વડુસર ગામથી મકતાનપર ગામ તરફ જવાના રસ્તા ઉપર આવેલ રણજીતભાઈ શંકરભાઈ કોળીની પડામાં દારૂની રેડ કરી હતી ત્યારે સ્થળ ઉપરથી કુલ મળીને દારૂની ૧૫ બોટલો મળી આવી હોય પોલીસે ૫૬૨૫ ની કિંમતના દારૂના જથ્થાને કબજે કર્યો હતો જોકે આરોપી સ્થળ ઉપર હાજર ન હોવાથી હાલમાં મોરબી વાંકાનેર તાલુકા પોલીસ સ્ટેશન ખાતે સિંધાભાઈ કરમશીભાઈ અબાસણીયા તથા રણજીતભાઈ શંકરભાઈ કોળી રહે. બંને મકતાનપર તાલુકો વાંકાનેર વાળાની સામે પોલીસે ગુનો નોંધીને આરોપીઓને પકડવા માટે તજવીજ શરૂ કરી છે
બે બાઈક સામસામા અથડાતા બેને ઈજા
મોરબીના રહેવાસી સોમાભાઈ મેરાભાઇ કોળી નામના ૭૩ વર્ષના વૃદ્ધા હળવદ રોડ નીચી માંડલ ગામની પાસેથી બાઇકમાં જતા હતા ત્યારે એસાર પંપની પાસે તેમનું બાઇક અજાણ્યા બાઈક સાથે અથડાતા જમણા પગ અને માથાના ભાગે ઈજા થતા સોમાભાઇને સારવાર માટે મોરબીની હોસ્પીટલે ખસેયાયા હતા. જ્યારે સામેના બાઈકના ચાલક પ્રકાશભાઈ રમેશભાઈ સોલંકી નામના ૨૦ વર્ષના બાઈક ચાલકને ઈજા પહોંચતા તેને પણ સારવાર માટે ખસેડાયો હતો.આ અકસ્માતના બનાવને પગલે તાલુકા પોલીસ મથકના જિજ્ઞાસાબેન કણસાગરા દ્વારા આ બનાવ અંગે તપાસ કરવામાં આવી રહી છે.
આધેડ મહિલાને ઈજા
મોરબીના સામાકાંઠે સર્કિટ હાઉસની સામે મફતપરા વિસ્તારમાં આવેલ ભારતનગરમાં રહેતા પુરીબેન ચમનભાઈ અદગામા નામના ૫૨ વર્ષીય મહિલાને તેમના ઘર પાસે મારામારીના બનાવમાં ઈજા થતા સારવારમાં ખસેડાયા હતા. જ્યારે મોરબીના સામાકાંઠે માળિયા ફાટક પાસે આવેલ કાંતિનગર વિસ્તારમાં રહેતા અહેમદભાઈ વલીમામદભાઈ નારેજા નામનો યુવાન મોરબીના ઘુંટો રોડ ઉપર રામકો સોસાયટી નજીક આવેલ નવસર્જન સ્કૂલ પાસે બોલેરોના પાછળના ભાગમાં બેસીને જતા હતા ત્યારે રસ્તામાં બમ્પ આવતા બોલેરોમાંથી નીચે પડી ગયા હતા અને તેઓને ઈજા થતા શહેરના સામાકાંઠે આવેલ શિવમ હોસ્પિટલે સારવાર માટે લઈ જવાયા હતા
