મોરબીમાં ચેનલના પત્રકારનું ઇન્સ્ટાગ્રામ આઇડી હેક કરીને લોકો પાસેથી પૈસાની માંગણી કરાઇ
Morbi Today
મોરબીના કોંગ્રેસનાં આગેવાન રમેશભાઈ રબારીની જેતપુર-નવાગઢ પાલિકાના નિરીક્ષક તરીકે વરણી
SHARE
JOIN OUR GROUP
મોરબીના કોંગ્રેસનાં આગેવાન રમેશભાઈ રબારીની જેતપુર-નવાગઢ પાલિકાના નિરીક્ષક તરીકે વરણી
મોરબીના શનાળા રોડ ઉપર આવેલ હાઉસિંગ બોર્ડમાં રહેતા ગુજરાત પ્રદેશ કોંગ્રેસ સમિતિ માલધારી સેલના ઉપપ્રમુખ તેમજ મોરબી કોંગ્રેસ અગ્રણી રમેશભાઈ રબારીની પાલિકાની ચૂંટણીને ધ્યાને લઈને જેતપુર-નવાગઢ નગરપાલિકાના નિરીક્ષક તરીકે ગુજરાત કોંગ્રેસ પ્રમુખ જગદીશ ઠાકોર દ્વારા વરણી કરવામાં આવી છે. જેથી હાલમાં રમેશભાઈ રબારીને શુભકામનાઓ મળી રહી છે
મોરબી માલધારી સમાજના આગેવાન અને નખશિખ કોંગ્રેસી રમેશભાઈ રબારીની આગામી ફ્રેબ્રુઆરી-માર્ચ મહિનામાં રાજ્યમાં વિવિધ જીલ્લાની પાલિકાની ચૂંટણીઓ આવી રહી છે ત્યારે આ ચૂંટણી સંદર્ભે રાજકોટ જીલ્લાની જેતપુર-નવાગઢ નગરપાલિકાના નિરીક્ષક તરીકે વરણી કરવામાં આવી છે વધુમાં પ્રદેશના પ્રમુખ જગદીશ ઠાકોરે જણાવ્યું હતું કે, રમેશભાઈની જેતપુર-નવાગઢ પાલિકા વિસ્તારમાં ચૂંટણીલક્ષી કામગીરી, કોંગ્રેસ પક્ષના સંગઠનને વધુ મજબુત બનાવવા અંગે, ઉમેદવારની પસંદગી, મંડલ સેક્ટર અને ગ્રામ સમિતિની રચના, બુથ મેનેજમેન્ટ, કોંગ્રેસ પક્ષની વિચારધારા જન જન સુધી પહોંચાડવા અંગેની તથા ચૂંટણીના પરિણામ ન આવે ત્યાં સુધી જીલ્લા, તાલુકા અને પાલિકા વિસ્તારમાં તમામ સાથે સંકલન કરવાની પણ જવાબદારી સોંપવામાં આવી છે. અને આગામી સમયમાં રમેશભાઈ “હાથ સે હાથ જોડો અભિયાન” સંદર્ભે જરૂરી સંકલન કરીને તેમના વિસ્તારમાં અભિયાન આગળ વધારશે
