મોરબીના રાજપર નજીક બાઇક સ્લીપ થતાં યુવાનનું મોત
SHARE
JOIN OUR GROUP
મોરબીના રાજપર નજીક બાઇક સ્લીપ થતાં યુવાનનું મોત
મોરબીના રાજપરથી નસીતપર ગામ તરફ જવાના રસ્તા ઉપર તળાવ પાસે બાઈક સ્લીપ થઈ ગયુ હતું જેથી કરીને બાઈક લઈને જઈ રહેલા યુવાનને માથામાં અને શરીરે ગંભીર ઇજા થઈ હોવાથી તેનું મોત નિપજ્યું હતું હાલમાં મૃતક યુવાનના પત્નીની ફરિયાદ લઈને પોલીસે આગળની રાબેતા મુજબની કાર્યવાહી હાથ ધરી છે
જાણવા મળતી માહિતી મુજબ મૂળ રાજપરના રહેવાસી અને હાલમાં મોરબીના કંડલા બાયપાસ રોડ ઉપર આવેલ અમી પેલેસની બાજુમાં ઓશો ટાવર ફ્લેટ નં-૬૦૩ માં રહેતા મહેન્દ્રભાઈ ઉર્ફે મુન્નો બાબુભાઈ સનારીયા જાતે પટેલ (ઉમર ૪૫) પોતાનું બાઈક નં. જીજે ૩૬ એબી ૬૪૫૧ લઈને મોરબી નજીકના નસીતપર ગામે ગયા હતા અને નસીતપર ગામેથી પોતાનું કામ પૂરું કરીને તેઓ પોતાના ઘર તરફ પાછા આવી રહ્યા હતા ત્યારે રાજપર અને નસીતપર ગામ વચ્ચે આવેલ તળાવ પાસે તેઓનું બાઈક કોઈ કારણોસર સ્લીપ થઈ ગયું હતું જેથી કરીને મહેન્દ્રભાઈને માથામાં અને શરીરે ગંભીર ઇજાઓ થઈ હતી જેથી કરીને તેનું મોત નીપજ્યું હતું આ બનાવ સંદર્ભે મૃતક મહેન્દ્રભાઈના પત્ની મનિષાબેન મહેન્દ્રભાઈ સનારીયા (ઉમર ૪૬) ની ફરિયાદ લઈને પોલીસે અકસ્માત મૃત્યુના બનાવની નોંધ કરીને આગળની રાબેતા મુજબની કાર્યવાહી હાથ ધરેલ છે.
વૃદ્ધા સારવારમાં
