મોરબીની ત્રાજપર-૨ અને હળવદની રણછોડગઢ તાલુકા પંચાયત મત વિસ્તારના હથિયાર ધારકોને હથિયાર જમા કરાવી દેવા
Morbi Today
મોરબીમાં દારૂની પાંચ રેડમાં છ આરોપીઓ ૧૦૫ બોટલ સાથે ઝડપાયા
SHARE
JOIN OUR GROUP
મોરબીમાં દારૂની પાંચ રેડમાં છ આરોપીઓ ૧૦૫ બોટલ સાથે ઝડપાયા
મોરબીના વિવિધ પોલીસ સ્ટેશનોની હદમાં પોલીસ સ્ટાફે જુદીજુદી જગ્યાઓએ રેડ કરી હતી.પોલીસે પાંચ જગ્યાઓએ કરેલી રેડમાં છ આરોપીઓ કુલ ૧૦૫ બોટલ દારૂ સાથે મળી આવતા કુલ રૂા.૬૪,૧૫૦ ની મતા સાથે છ આરોપીને પકડીને આગળની તપાસ હાથ ધરવામાં આવેલ છે.
રણછોડનગર ૫૫ બોટલ
મોરબી સીટી બી ડિવિઝન પોલીસ સ્ટાફે બાતમીના આધારે શહેરના નવલખી રોડ ઉપર આવેલ રણછોડનગર વિસ્તારમાં ચરમાળીયા દાદાના મંદિર પાસેની શેરીમાં રહેતા ચિરાગ ભાઈલાલ જોષી જાતે બ્રાહ્મણ (ઉમર ૨૧) ના મકાનમાં રેડ પાડી હતી ત્યારે ત્યાંથી પોલીસને વિદેશી દારૂની ૫૫ બોટલ મળી આવતા રૂા.૨૦,૬૨૫ ની કિંમતના મુદ્દામાલ સાથે ચિરાગ ભાઈલાલ જોષી નામના યુવાનની ધરપકડ કરવામાં આવી છે અને તેની સાથે સંડોવાયેલા રાજુ ખીમજી પરમાર રહે.મોરબી રેલ્વે સ્ટેશન પાછળ ખાડા વિસ્તારવાળાનું નામ ખૂલ્યું હોય હવે પોલીસે તેની શોધખોળ આદરી છે.
નવાડેલા રોડ ૪૦ બોટલ
મોરબી સીટી એ ડીવીઝન પોલીસ સ્ટાફે શહેરના નવાડેલા રોડ ઉપર આવેલી ખાખીની જગ્યામાં બાતમીના આધારે રેડ કરી હતી. જે દરમિયાન ત્યાં જ રહેતા અને સેવાપૂજાનું કામ કરતા કિશન નટવરલાલ કુબાવત જાતે રામાનંદી સાધુ (ઉમર ૩૦) નામના યુવાનના રહેણાંક મકાનમાં પોલીસે સર્ચ કરતાં ત્યાંથી વિદેશી દારૂની ૪૦ બોટલ મળી આવતા રૂા.૧૫ હજારની કિંમતના દારૂના જથ્થા સાથે હાલમાં કિશન નટવરલાલ કુબાવત નામના ઇસમની ધરપકડ કરવામાં આવેલ છે.તેણે આ જથ્થો ક્યાંથી મેળવ્યો હતો..? અને ક્યાં સપ્લાય કરવાનો હતો..? તે દિશામાં એ ડિવિજન પોલીસે આગળની તપાસ હાથ ધરી છે.
અયોધ્યાપુરી રોડ ૩ બોટલ
મોરબીના અયોધ્યાપુરી રોડ ઉપર આવેલ આસ્વાદ પાનવાળી શેરી પાસેથી પોલીસ સ્ટાફ નીકળ્યો હતો ત્યારે ત્યાંથી નીકળેલા સિરાજ ઉમર ખોખર જાતે સીપાઇ (ઉમર ૧૯) રહે.મહેન્દ્રપરા શેરી નંબર-૨૦ ને અટકાવીને તેની ઝડતી લેવામાં આવતા તેના કબ્જામાંથી દેશી દારૂની ત્રણ(૩) બોટલ મળી આવતા રૂપિયા ૯૦૦ ની કિંમતના દારાના જથ્થા સાથે સિરાજ ઉમર ખોખર જાતે સીપાઇની અટકાયત કરીને તે દારૂની બોટલો ક્યાંથી લાવ્યો હતો..? તે દિશામાં પોલીસે આગળની તપાસ હાથ ધરી છે.
માટેલ ૬ બોટલ
મોરબી જીલ્લાના વાંકાનેર તાલુકા પોલીસ સ્ટેશનની હદમાં આવતા માટેલ ગામે માટેલીયા ધરા પાસેથી નીકળેલા રઘુ ઉર્ફે રઘો રાણાભાઈ કોળી રહે.ડુંગરપુર તા.હળવદ અટકાવવા પ્રયાસ કરતા તે બાઇક રેઢુ મુકીને ફરાર થઇ ગયો હતો.બાદમાં વાંકાનેર તાલુકા પોલીસ સ્ટાફે તેના બાઇકની તલાશી લેતાં બાઇકમાંથી વિદેશી દારૂની છ(૬) બોટલો મળી આવતા રૂા.૨૨૫૦ ની કિંમતનો દારૂ તથા રૂા.૨૦ હજારની કિંમતનું બાઇક મળીને કુલ ૨૭ હજાર બસો પચાસ મુદ્દામાલ સાથે રઘુ ને સળી ડુંગરપુર વાળા ની ધરપકડ કરવામાં આવી છે તે આ દારૂનો જથ્થો ક્યાંથી લાવ્યો હતો અને અહીં કોને લેવા આવ્યો હતો તે દિશામાં વાંકાનેર તાલુકા પોલીસે આગળની તપાસ હાથ ધરી છે.જ્યારે મોરબી સીટી બી ડીવીઝન પોલીસ સ્ટાફે માળીયા હાઈવે ઉપર આવેલ ઉમિયા હોટલ પાસેથી નીકળેલા વિવેક કિશોર ધોળકિયા જાતે કોળી (ઉમર ૨૦) રહે.સોઓરડી પાસે વરીયાનગર શેરી નંબર-૫ સામેકાંઠે મોરબી-૨ વાળાને અટકાવવીને તેની તલાસી લેતાં તેની પાસેથી વિદેશી દારૂની એક બોટલ મળી આવતા રૂા.૩૭૫ ની કિંમતની દારૂની એક બોટલ સાથે વિવેક કોળીની ધરપકડ કરવામાં આવી છે.
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
