વાંકાનેરના વીસીપરા નજીક શ્રમિક યુવાનની હત્યા

વાંકાનેરના લુણસરિયાથી વીસીપરા વચ્ચેના વિસ્તારમાંથી યુવાનની હત્યા કરેલી લાશ મળી આવી હતી જે બનાવ સંદર્ભે હાલમાં વાંકાનેર સિટી પોલીસ સ્ટેશન ખાતે અજાણ્યા શખ્સની સામે હત્યાનો ગુનો નોંધાયેલ છે જેથી કરીને પોલીસે આરોપીને પકડવા માટે તજવીજ શરૂ કરેલ છે

બનાવની જાણવા મળતી વિગતો પ્રમાણે ટંકારા તાલુકાના હીરાપર ગામે રહેતા અને મજૂરોનો કોન્ટ્રાક્ટ રાખતા અરવિંદભાઈ ટીહાભાઈ લામકા જાતે ભરવાડ (૪૫) એ હાલમાં વાંકાનેર સિટી પોલીસ સ્ટેશન ખાતે અજાણ્યા શખ્સની સામે હત્યાની ફરિયાદ નોંધાવવામાં આવેલ છે જેમાં તેને જણાવ્યુ છે કે, વાંકાનેરના જુના લુણસરિયાથી વીસીપરા વચ્ચેના રોડ ઉપરથી તેના મજુર કાર્તિકસિંગ રૂહયાસિંગ રહે. અજોધીયા વાયા નિલાગીરી તાલુકો ચીત્રકુટ જીલ્લો બોલેશ્વર રાજ્ય ઓડીસા વાળાની શરીરે બોથડ પદાર્થ વડે મુંઢ માર મારીને હત્યા કરેલી લાશ મળી આવી હતી જેથી કરીને આ બનાવ સંદર્ભે હાલમાં અરવિંદભાઈ લામકાએ અજાણ્ય શખ્સની સામે હત્યાની ફરિયાદ નોંધાવતાં પોલીસે ગુનો નોંધીને આગળની કાર્યવાહી હાથ ધરી છે અને આ બનાવની આગળની વધુ તપાસ વાંકાનેર સિટી પોલીસ સ્ટેશનના પીઆઇ પી.ડી. સોલંકી ચલાવી રહ્યા છે