રાજ્ય કક્ષાની સ્ટેમ ક્વિઝ સ્પર્ધામાં ટંકારા તાલુકા નાલંદા વિદ્યાલય ના 3 વિદ્યાર્થીઓ એ મેદાન માર્યું

અમદાવાદના સાયન્સ સિટી ખાતે રાજ્ય કક્ષાની સ્ટેમ ક્વિઝ ૨૦૨૩ સ્પર્ધાનું આયોજન કરવામાં આવ્યું હતું. જેમાં ટંકારા તાલુકાના નાલંદા વિદ્યાલયના ત્રણ વિદ્યાર્થીઓએ ૧ થી ૪ માં સ્થાન પ્રાપ્ત કરી શાળા પરિવાર તેમજ તેમના પરિવાર અને ગામનું નામ રોશન કર્યું છે.

તાજેતરમાં મોરબીમાં આવેલ આર્યભટ્ટ લોક વિજ્ઞાન કેન્દ્ર દ્વારા વિજેતા થયેલા મોરબી જિલ્લાના દરેક વિદ્યાર્થીઓનું સન્માન કલેકટર જી.ટી. પંડ્યા અને શિક્ષણ અધિકારી નિલેષ રાણીપાના હસ્તે કરવામાં આવ્યું હતું. જેમાં સાર્થક બારડને ટેબ્લેટ, કરણ જાદવને ટેલિસ્કોપ અને નંદની સિધપુરીને ટેલિસ્કોપ આપીને સન્માનિત કરવામાં આવ્યા હતા. આ વિજેતા પામેલા વિદ્યાર્થિનીઓને શાળા પરિવાર દ્વારા અભિનંદન પાઠવાયા છે