મોરબીના રવાપર-નવાડેલા રોડે બે મકાનમાંથી ૪૪ બોટલ દારૂ કબજે : એકની ધરપકડ, એકની શોધખોળ
Morbi Today
મોરબી નજીક પેપર મિલના મશીનમાં આવી જતાં મજૂર યુવાનનું ઘટના સ્થળે જ મોત
SHARE
JOIN OUR GROUP
મોરબી નજીક પેપર મિલના મશીનમાં આવી જતાં મજૂર યુવાનનું ઘટના સ્થળે જ મોત
મોરબી માળિયા હાઇવે ઉપર આવેલ હરીપર કેરાળા ગામ પાસે પેપર મીલમાં કામગીરી દરમિયાન મશીનમાં આવી જવાના કારણે યુવાનનું ઘટના સ્થળે જ મોત નીપજયું હતું જેથી કરીને તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને અકસ્માત મૃત્યુના આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી.
જાણવા મળતી માહિતી મુજબ મોરબી માળિયા હાઇવે ઉપર આવેલ હરિપર કેરાળા ગામ પાસે એરીડોન પેપર મિલ કારખાનાની ઓરડીમાં રહીને ત્યાં મજૂરી કામ કરતા નારણભાઈ કૈલાશભાઈ ગામદ (૨૩) કારખાનામાં કામગીરી કરી રહ્યા હતા ત્યારે કોઈપણ કારણોસર તેનો પગ લપસી જતા પેપર મીલની મશીનરીમાં આવી ગયો હતો જેથી કરીને તેનું ઘટના સ્થળે જ મોત નીપજયું હતું ત્યાર બાદ તેના મૃતદેહને પ્રકાશભાઈ શંભુ મોરબી સિવિલ હોસ્પિટલ ખાતે લઈને આવ્યા હતા અને હોસ્પિટલે ડોક્ટરે તેને મૃત જાહેર કર્યા બાદ અકસ્માતના બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોધ કરી આગળની કાર્યવાહી હાથ ધરી હતી અને અકસ્માતના આ બનાવની આગળની વધુ તપાસ મોરબી તાલુકા પોલીસ સ્ટેશનના એમ.એલ. બારૈયા ચલાવી રહ્યા છે
