મોરબીમાં ગૃહમંત્રી કરેલ SITની જાહેરાત પછી હવે રચના કરાઇ: અધિકારીઓની ટીમ તૈયાર

મોરબીમાં થોડા સમય પહેલા ગૃહમંત્રી હર્ષ સંઘવી આવ્યા હતા અને ત્યારે તેને મોરબીના ઉદ્યોગકારોના રૂપિયા ખોટા ન થાય તે માટે સ્પેશ્યલ ઇન્વેસ્ટીગેશન ટીમ એટ્લે કે સીટની રચના કરવામાં આવશે તેવી જાહેરાત કરી હતી ત્યાર બાદ હાલમાં સીટની રચના કરવામાં આવી છે અને જિલ્લા પોલીસ વડાની અધ્યક્ષતામાં એક આખી ટિમ બનાવવામાં આવેલ છે

મોરબી જિલ્લામાં આવેલ સિરામિક, પેપર મિલ, પેકેજિંગ સહિતના જુદાજુદા ઉદ્યોગમાંથી માલની ખરીદી કર્યા પછી કેટલાક લેભાગુ વેપારીઓ દ્વારા કારખાનેદારોને રૂપિયા આપવામાં આવતા નથી જેથી કરીને આ બનાવો અટકાવવા માટે ઉદ્યોગકારોએ અનેક વખત રજૂઆત કરી છે જેના પગલે મોરબીમાં થોડા સમય પહેલા આવેલા ગૃહમંત્રી હર્ષ સંઘવીએ સીટની જાહેરાત કરી હતી ત્યાર બાદ હાલમાં સીટની રચના કરવામાં આવી છે જેમાં જિલ્લા પોલીસ વડાના અધ્યક્ષતામાં એક ડીવાયએસપી, એક પીઆઇ, બે પીએસઆઈ અને આઠ પોલીસ કર્મચારીને મોકવામાં આવેલ છે જેમાં પીએસઆઈ વી.આર. સોનારા, પીએસઆઈ જે.સી. ગોહિલ તેમજ પોલીસ કર્મચારીઓમા ચંદુભાઈ કળોતરા, ક્રિપાલસિંહ ચાવડા, રામભાઈ મંઢ, વિક્રમભાઈ ભાટિયા, ભરતભાઈ જીલરીયા, ભાવેશભાઈ મિયાત્રા, કમલેશભાઈ ખાંભલીયા અને બ્રિજેશભાઈ કાસુન્દ્રાનો  સમાવેશ થાય છે હવે આ ટિમ દ્વારા ઉદ્યોગકારો સાથે કરવામાં આવેલ ચિટિંગના કેસની તપાસ કરીને છેતરપિંડી કે પછી ફ્રોડ કરનારાઓને પકડીને તેની સામે કાયદેસરની કાર્યવાહી કરવામાં આવશે