ટંકારામાં આર્યસમાજ દ્વારા આજથી શતાબ્દી મહોત્સવનો પ્રારંભ: યજ્ઞ-શોભાયાત્રા સહિતના કાર્યક્રમો યોજાયા મોરબીના મહેન્દ્રનગર પાસે પેસેન્જર રીક્ષાને અકસ્માત નડયો, એક વ્યક્તિનું રાજકોટ ખાતે મોત મોરબીના સાહિલ માજોઠીનું યુદ્ધ કેદીઓને ટ્રાન્સફર લિસ્ટમાં હાલ યુક્રેને રશિયાને નામ ન આપ્યું: સાહિલને ભારત હેમખેમ આવવા સામે પ્રશ્નાર્થ મોરબીની ઓમ શાંતિ વિદ્યાલયનો વિદ્યાર્થી કંઝારીયા જયદીપ રંગોત્સવમાં સમગ્ર ભારતમાં પ્રથમ મોરબી નજીક કારખાનાના બાથરૂમમાં અજાણ્યું ઇન્જેક્શન મારીને યુવાને કર્યો આપઘાત મોરબીમાં પરિણીતાને દુ:ખ ત્રાસ આપીને મારકૂટ કરતાં પતિ સહિત ત્રણ સામે ફરિયાદ હળવદ ભાજપ દ્વારા પંડિત દીનદયાળ ઉપાધ્યાયજીની પુણ્યતિથિ નિમિત્તે શ્રદ્ધાંજલિનો કાર્યક્રમ યોજાયો મોરબીમાં ત્રાજપર ચોકડીએ રીક્ષા પલ્ટી જતાં ઇજા પામેલ યુવાન સારવારમાં: મિલન પાર્કમાંથી બાઈકની ચોરી

Breaking news

Morbi Today

હળવદમાં પકડાયેલ કરોડોની રેતી ચોરીમાં વધુ બે ની ધરપકડ

25-05-2023 10:53 AM

હળવદમાં પકડાયેલ કરોડોની રેતી ચોરીમાં વધુ બે ની ધરપકડ

મોરબીનો હળવદ તાલુકો રેતી ચોરી માટે સ્વર્ગ સમાન ગણવામાં આવે છે અને ખૂબ મોટા પાયે અહીંથી રેતી ચોરી થાય છે અને તે જગજાહેર છે અને તે બાબત અહીંના રાજકારણીઓ અને ઉચ્ચ પોલીસ અધિકારીઓથી પણ વિદીત જ છે.જોકે છતા નકકર પગલા નથી લેવાતા તે ઉચ્ચકક્ષાએથી તપાસનો વિષય છે દરમ્યાનમાં થોડા સમય પહેલા હળવદના ગ્રામ્ય વિસ્તારમાં સ્ટેટ વિજિલન્સની ટીમ દ્વારા રેતી ચોરી બાબતે રેડ કરવામાં આવી હતી અને કરોડોની કિંમતના વાહનો જપ્ત કરી દંડ વસૂલવાની કાર્યવાહી કરવામાં આવી હતી અને તે સમયે મોટી સંખ્યામાં આરોપીઓને પણ સ્થળ ઉપરથી પકડવામાં આવ્યા હતા અને તેની ક્રોસ તપાસ મોરબી સીટી બી ડિવિઝન પોલીસ મથકના પીએસઆઇ જે.એલ.ઝાલાને સોંપવામાં આવી હતી.જેઓએ કરેલ તપાસ દરમિયાન સંડોવણી ખૂલતાં હાલમાં આનંદ ધીરજલાલ સાણજા જાતે પટેલ (ઉમર ૨૮) રહે.અંજની એપાર્ટમેન્ટ પંચાસર રોડ મોરબી તેમજ પરેશ સવજી વરસડા જાતે પટેલ (ઉમર ૩૬) રહે.અણીયાળી તા.મોરબીની કલમ ૧૨૦ બી સહિતની કલમો હેઠળ ધરપકડ કરવામાં આવી હોવાનું જાણવા મળે છે.

વાહન અકસ્માતમાં ઈજા

મોરબીની મસાલની વાળી વિસ્તારમાં રહેતા ઘનશ્યામ મુકેશભાઈ કણજારીયા નામના ૨૦ વર્ષના યુવાનને પગપાળા જતા સમયે અજાણ્યા બાઈક ચાલકે હેડફેટે લેતા પગના ભાગે ઇજાઓ થતા ઘનશ્યામને અત્રે ડો.હેમલ પટેલ હોસ્પિટલ ખાતે સારવારમાં લાવવામાં આવ્યો હતો સારવાર કરવામાં આવ્યા બાદ પોલીસને જાણ કરાતા હાલ એ ડિવિઝન પોલીસ મથકના વી.કે.ફુલતરીયા દ્વારા આ અંગે આગળની તપાસ ચલાવવામાં આવી રહી છે.જ્યારે મોરબીના સામાકાંઠે હળવદ રોડ ઉપર મહેન્દ્રનગર ગામ પાસેના સીએનજી પમ્પ પાસેથી હળવદ તાલુકાના ડુંગરપુર ગામે રહેતો સંતરામભાઈ અવચરભાઈ વિઠલાપરા નામનો યુવાન પોતાનું બાઈક લઈને જતો હતો ત્યારે રસ્તામાં ત્યાં મહેન્દ્રનગર નજીક તેનું બાઈક અકસ્માતે સ્લીપ થતા તેને ઇજા થવાથી સંતરામ વિઠલાપરાને મોરબીના સામાકાંઠે આવેલ સમર્પણ હોસ્પિટલે સારવાર માટે લઈ જવાયો હતો.

રીક્ષા પલ્ટી જતા ઈજા

મોરબીના સામાકાંઠે ત્રાજપર ચોકડી નજીક રીક્ષા પલ્ટી મારી જવાનો અકસ્માત બનાવ બન્યો હતો જે અકસ્માત બનાવમાં રવિ છગનભાઈ સોલંકી (ઉમર ૨૪) રહે.નીચી માંડલ હળવદ રોડ તા.મોરબી વાળાને ઇજાઓ પહોંચતા રવિ સોલંકીને અત્રેની ક્રિષ્ના હોસ્પિટલમાં સારવાર માટે લઈ જવામાં આવ્યો હતો હોસ્પિટલ દ્વારા તેની સારવાર કરવામાં આવ્યા બાદ બી ડિવિઝન પોલીસને જાણ કરાતા હાલ પોલીસ મથકના વાલભા ચાવડા દ્વારા આ અકસ્માત બનાવની આગળની તપાસ ચલાવવામાં આવી રહી હોવાનું જાણવા મળેલ છે.