મોરબી નજીક પાણીના ખાડામાંથી યુવાનની કોહવાઈ ગયેલ હાલતમાં લાશ મળી: તપાસ શરૂ
Morbi Today
હળવદમાં એક્ટિવા-બાઇક અથડાયા બાદ યુવાનને ચાર શખ્સોએ પાઇપ-ટામી વડે માર માર્યો
SHARE
JOIN OUR GROUP
હળવદમાં એક્ટિવા-બાઇક અથડાયા બાદ યુવાનને ચાર શખ્સોએ પાઇપ-ટામી વડે માર માર્યો
હળવદમાં આવેલ આંબેડકર સર્કલ પાસે એક્ટિવા અને બાઈક વચ્ચે અકસ્માતનો બનાવ બન્યો હતો અને ત્યારે એક્ટિવા ચાલક યુવાનને ગાળો આપીને લોખંડના પાઇપ અને ટામી વડે માર માર્યો હતો જેથી ઇજા પામેલ યુવાનને સારવાર લઈને આવ્યા હતા અને હાલમાં તેને ચાર શખ્સોની સામે હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આગળની રાવેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ હળવદમાં ધ્રાંગધ્રા દરવાજા પાસે આવેલ રાવલ ફળીમાં રહેતા કિશનભાઇ ઉર્ફે કાળુ પ્રવીણભાઈ બાબરીયા જાતે કોળી (૨૪)એ હાલમાં હળવદ તાલુકા પોલીસ સ્ટેશન ખાતે અનિલભાઈ ધીરાજીલાલ દલવાડી, વિપુલભાઈ ધીરજલાલ દલવાડી, બળદેવભાઈ મનજીભાઈ દલવાડી અને ભરતભાઈ મનજીભાઈ દલવાડી રહે. બધા ખારી વાળી હનુમાનજી મંદિર પાસે હળવદ વાળાની સામે ફરિયાદ નોંધાવી છે જેમાં તેણે જણાવ્યું છે કે, હળવદમાં આવેલ આંબેડકર સર્કલ પાસેથી તે પોતાનું એકટીવા લઈને જતો હતો ત્યારે આરોપી અનિલના બાઇકની સાથે એક્સિડન્ટ થયું હતું જેથી કરીને અનિલે તે બાબતનું મનદુઃખ રાખીને તેને ગાળો આપી હતી અને ફરિયાદી યુવાનને જમણા પગે લોખંડનો પાઇપ માર્યો હતો તેમજ વિપુલે ફરિયાદીને માથાના ભાગે લોખંડની ટામી મારી હતી અને આરોપી ભરતભાઈએ ફરિયાદીને પકડી રાખ્યો હતો ત્યારે બળદેવભાઈએ લોખંડના પાઈપ વડે મુઢમાર મારીને ઇજા કરી હતી જેથી કરીને ભોગ બનેલા યુવાન દ્વારા સારવાર લેવામાં આવ્યા બાદ હાલમાં ચાર શખ્સોની સામે હળવદ તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે આરોપીઓને પકડવા માટે તજવી શરૂ કરેલ છે
