મોરબીના વાવડી રોડે ઉમિયા પાર્કમાં રહેતા યુવાન બેકારીથી કંટાળીને કર્યો આપઘાતનો પ્રયાસ
Morbi Today
મોરબીના જીવાપર પાસે વીજ કંપનીનું ટીસી બદલાવતા સમયે શોક લાગતા કોન્ટ્રાકટર યુવાનનું મોત
SHARE
JOIN OUR GROUP
મોરબીના જીવાપર પાસે વીજ કંપનીનું ટીસી બદલાવતા સમયે શોક લાગતા કોન્ટ્રાકટર યુવાનનું મોત
મોરબી તાલુકાના જીવાપર ગામની સીમમાં વીજ કંપનીનું ટીસી બદલાવવાની કામગીરી કરવામાં આવી રહી હતી ત્યારે વીજ શોક લાગતા કોન્ટ્રાકટર યુવાનનું મોત નીપજ્યું હતું જેથી કરીને તેના મૃતદેહને મોરબીની સિવિલ હોસ્પિટલે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળ કાર્યવાહી હાથ ધરી હતી
બનાવની જાણવા મળતી માહિતી પ્રમાણે મોરબી તાલુકાના જેતપર ગામે રહેતો અને વીજ કંપનીમાં કોન્ટ્રાકટર પારસલ કનૈયાલાલ રાવ (૨૨) નામનો યુવાન જીવાપર ગામની સીમમાં ટીસી બદલાવવાનું કામ કરી રહ્યો હતો ત્યારે કોઈપણ સમયે ત્યાં તેને વીજ શોક લાગ્યો હતો જેથી તેની સાથે રહેલ ભીમસિંગ રાવલ તેને મોરબીની સિવિલ હોસ્પિટલ ખાતે લઈને આવ્યો હતો અને ત્યારે ત્યાં ફરજ પરના ડોક્ટરે તેને જોઈ તપાસીને મૃત જાહેર કર્યો હતો અને આ બનાવો અંગેની સિવિલ હોસ્પિટલ દ્વારા મોરબી તાલુકા પોલીસને જાણ કરવામાં આવતા પોલીસે અકસ્માત મૃત્યુના બનાવની નોંધ કરીને આગળની રાબેતા મુજબની કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના ફિરોજભાઈ સુમરા ચલાવી રહ્યા છે
અકસ્માતમાં ઇજા
મોરબીના નવા જાંબુડીયા ગામે રહેતા હકાભાઇ ગેલાભાઈ પરસાડિયા (૪૩) નામનો યુવાન લાલપર ગામની સીમમાંથી પોતાનું બાઈક લઈને પસાર થઈ રહ્યો હતો ત્યારે કોઈ કારણોસર અકસ્માતે તે બાઈક ઉપરથી નીચે પડી જતા તેને ઇજાઓ થઈ હતી જેથી ઇજાગ્રસ્ત હાલતમાં હકાભાઇને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તે યુવાનને સારવાર આપવામાં આવ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ મોરબી તાલુકા પોલીસ સ્ટેશનના જસપાલસિંહ જાડેજા ચલાવી રહ્યા છે
