મોરબીના રેલવે સ્ટેશન રોડે બે ડબલ સવારી બાઈક અથડાયા: ઇજાગ્રસ્ત ચાર યુવાન સારવારમાં
SHARE
JOIN OUR GROUP
મોરબીના રેલવે સ્ટેશન રોડે બે ડબલ સવારી બાઈક અથડાયા: ઇજાગ્રસ્ત ચાર યુવાન સારવારમાં
મોરબીના વીસી હાઈસ્કૂલથી રેલવે સ્ટેશન તરફ જતા રસ્તા ઉપર બે ડબલ સવારી બાઈક સામસામે અથડાયા હતા જેથી કરીને બે બાઈક ઉપર જતાં ચાર યુવાનોને ઇજા થયેલ હતી જેથી તેને સારવાર માટે મોરબીની ખાનગી હોસ્પિટલમાં ખસેડવામાં આવ્યા હતા અને અકસ્માતના આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરેલ છે
બનાવી જાણવા મળતી માહિતી મુજબ મોરબીમાં વીસી હાઈસ્કૂલથી રેલવે સ્ટેશન તરફ જવાના રસ્તા ઉપર ગઈકાલે બે ડબલ સવારી બાઇક સામસામે અથડાયા હતા જેથી કરીને અકસ્માતના આ બનાવવામાં રમઝાન ઉસ્માન મકરાણી (૨૯), મહેબૂબ ઈબ્રાહીમ બેલીમ (૪૮) રહે. બંને સોની તલાવડી તાલુકો ધાંગધ્રા વાળા અને સર્વજિતકુમાર રામ (૧૮) અને મહમદઉમર રફીક કચ્છી (૨૩) રહે. બંને ધર્મરાજ બકસર બિહાર વાળાને ઇજાઓ થઈ હતી જેથી કરીને ઇજા પામેલા ચારેય યુવાનોને સારવાર માટે મોરબી શહેરમાં આવેલ ખાનગી હોસ્પિટલમાં લઈને આવ્યા હતા અને ત્યાં તેઓને સારવાર આપ્યા બાદ આ બનાવ અંગેની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને અકસ્માતના આ બનાવની વધુ તપાસ મોરબી એ ડિવિઝન પોલીસ સ્ટેશનના હરેશભાઈ ચાવડા ચલાવી લેવાનું જાણવા મળે છે
મારામારીમાં ઇજા
મોરબી વાંકાનેર હાઇવે ઉપર આવેલ જાંબુડીયા ગામ પાસે ધર્મસિદ્ધિ સોસાયટીમાં રહેતા શૈલેષ છનાભાઇ બથવાર (૨૭) નામના યુવાનને મારામારીના બનાવવામાં ઈજા થઈ હતી જેથી ઈજા પામેલા યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની મોરબી તાલુકા પોલીસને જાણ કરતા પોલીસે બનાવની નોંધ કરીને આગળની કાર્યવાહી હાથ ધરી છે આ બનાવની આગળની તપાસ મોરબી તાલુકા પોલીસ સ્ટેશનના જે.પી. પટેલ ચલાવી રહ્યા છે
બાઈલ સ્લીપ
મોરબીના નવલખી રોડ ઉપર આવેલ ગોર ખીજડીયા ગામ પાસેથી બાઈક લઈને પસાર થઈ રહેલા મોરબીના વનાળીયા ગામે રહેતા નારણભાઈ શામજીભાઈ વિલપરા (૬૦) નામના વૃદ્ધનું બાઈક ગૌશાળા પાસે સ્લીપ થઈ ગયું હતું જેથી નારણભાઈને ઇજા થતાં તેને સારવાર માટે મોરબીમાં આવેલ ઓમ ઓર્થોપેડિક હોસ્પિટલ ખાતે લઈને આવ્યા હતા અને ત્યાં તેને સારવાર આપવામાં આવ્યા બાદ અકસ્માતના આ બનાવની મોરબી તાલુકા પોલીસને જાણ કરવામાં આવી હતી જેથી પોલીસે બનાવી નોંધ કરી આગળની રાબેતા મુજબની કાર્યવાહી હાથ કરી હતી અને આ બનાવની આગળની વધુ તપાસ મોરબી તાલુકા પોલીસ સ્ટેશનના એમ.એલ. બારીયા ચલાવી રહ્યા છે
