વાંકાનેર તાલુકાના ઠીકરીયાળી નજીકથી ૪૮ બોટલ દારૂ સાથે એક શખ્સ ઝડપાયો

વાંકાનેર તાલુકાના ઠીકરીયાળી પાસેથી બાઇક ઉપર એક શખ્સ જતો હતો તેને રોકીને પોલીસે ચેક કરતાં તેની પાસેથી દારૂની ૪૮ બોટલ મળી આવી હતી જેથી પોલીસે દારૂ અને બાઇક સહિતના મુદામાલ સાથે એક શખ્સની ધરપકડ કરેલ છે

જાણવા મળતી માહિતી મુજબ વાંકાનેર તાલુકા પોલીસ ઠીકરીયાળી ગામની સીમમાં પેટ્રોલીંગમાં હતી ત્યારે બાઇક લઈને એક શખ્સ બન્ને બાજુ થેલા લટકાવીને જતો હતો તેને રોકીને ચેક કરતાં તેની પાસેથી દારૂની ૪૮ બોટલ મળી આવી હતી જેથી કરીને પોલીસે ચોટીલા તાલુકાના મોટી મોલડી ગામની સીમમાં રહેતા હિતેશ રતાભાઈ ડાભી નામના શખ્સની ૧૮ હજારના દારૂ તેમજ ૩૦ હજારની કિંમતના બાઇક સાથે ધરપકડ કરેલ છે અને ગુનો નોંધીને આગળની કાર્યવાહી કરવામાં આવી છે