મોરબીમાં કાકાએ છરીનો ઘા ઝીકતા ભત્રીજો સારવારમાં
SHARE
JOIN OUR GROUP
મોરબીમાં કાકાએ છરીનો ઘા ઝીકતા ભત્રીજો સારવારમાં
મોરબી શહેરના સામાકાંઠા વિસ્તારમાં વોરાબાગ પાસે રહેતા યુવાનને તેના કાકાએ છરી વડે ઇજા કરી હતી જેથી કરીને ઇજા પામેલા યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યો બાદ આ બનાવવા અંગેની મોરબી સીટી બી ડિવિઝન પોલીસને જાણ કરતાં પોલીસે બનાવની નોંધ કરી આગળની કાર્યવાહી હાથ ધરી છે
બનાવની જાણવા મળતી માહિતી મુજબ મોરબીના સામાકાંઠા વિસ્તારમાં આવેલ વોરાબાગ પાસે રહેતા સંજય મનુભાઈ ઇન્દરિયા (૨૬) નામના યુવાનને છરી વડે ઈજા થઈ હતી જેથી કરીને ઈજા પામેલા યુવાનને તાત્કાલિક સારવાર માટે મોરબી શહેરમાં આવેલ સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપવામાં આવ્યા બાદ આ બનાવની હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી યાદ કરી હતી અને આ બનાવની આગળની વધુ તપાસ મોરબી બી ડિવિઝન પોલીસ સ્ટેશનના વી.કે. ચાવડા ચલાવી રહ્યા છે અને પોલીસ સુત્રો પાસેથી જાણવા મળતી માહિતી પ્રમાણે સંજયભાઈને તેના કાકા રમેશભાઈ હીરાભાઈ ઇન્દરિયાએ છરી વડે ઇજા કરી હતી જેથી તેને સારવારમાં લઈને આવ્યા છે જો કે, શા માટે થઈને સંજયને તેના કાકાએ છરી મારી હતી તે દિશામાં પોલીસ તપાસ કરી રહી છે
અકસ્માતમાં ઇજા
ધ્રાંગધ્રા તાલુકાના જસમતપુર ગામે રહેતા મુકેશ હિંમતભાઈ પટેલ (૫૪) જસમતપુર રોડ ઉપર આવેલા નાળા પાસેથી પસાર થઈ રહ્યા હતા ત્યારે ત્યાં બાઈકમાંથી તે નીચે પડી જતા બાઈકની નીચે તેનો પગ દબાઈ ગયો હતો અને અકસ્માતના બનાવમાં ઇજા થવાથી મુકેશભાઈને સારવાર માટે મોરબીમાં આવેલ શિવમ હોસ્પિટલ ખાતે લઈને આવ્યા હતા અને ત્યાં તેને સારવાર આપવામાં આવ્યા બાદ આ બનાવ અંગેની હોસ્પિટલ મારફતે પ્રથમ મોરબી સીટી બી ડિવિઝન પોલીસને જાણ કરવામાં આવતા પોલીસે પ્રાથમિક તપાસ કરીને આગળની કાર્યવાહી માટે થઈને આ બનાવવા અંગેની જાણ ધાંગધ્રા તાલુકા પોલીસને કરી હોવાનું જાણવા મળેલ છે
