હળવદના વાંકીયા ગામે વાડીના મકાનમાં જુગાર રમતા છ શખ્સો ૨.૭૦ ની રોકડ સાથે પકડાયા
હળવદ તાલુકાના વાંકીયા ગામે વાડીના મકાનમાં જુગાર રમતા હોવાની બામતી હતી જેના આધારે રેડ કરતા છ ઇસમો જુગાર રમતા મળી આવેલ હતા જેથી પોલીસે રોકડા ૨,૭૦,૫૦૦ ના મુદામાલ સાથે તેને પકડીને કાયદેસરની કાર્યવાહી કરેલ છે

મોરબી એલસીબીના ચંદુભાઇ કાણોતરા તથા નિરવભાઇ મકવાણાને હકીકત મળેલ કે, વાંકીયા ગામે રહેતા મહેશભાઇ કરશનભાઇ પટેલની વાડીના મકાનમાં બહારથી માણસો બોલાવીને જુગાર રમે છે જેથી ત્યાં પોલીસે જુગારની રેડ કરી હતી ત્યારે મહેશભાઇ કરશનભાઇ ખાવડીયા, મનોજભાઇ હસમુખભાઇ મનીપરા, ભાવેશભાઇ ઉર્ફે જીગો ઉર્ફે ગોલ્ડન ભગવાનજીભાઇ મેરજા, બાબુલાલ પસોતમભાઇ ભાલોડીયા, દિનેશભાઇ દયાળજીભાઇ સેરસીયા અને ચમનભાઇ ગંગારામભાઇ કારોલીયા જુગાર રમતા મળી આવ્યા હતા જેથી પોલીસે રોકડા ૨,૭૦,૫૦૦ નો મુદામાલ કબજે કરીને હળવદ પોલીસ સ્ટેશનમાં ગુનો નોંધીને આગળની કાર્યવાહી કરવામાં આવેલ છે આ કામગીરી પીઆઇ વી.બી.જાડેજા, પીએસઆઈ એન.બી.ડાભી, દિલીપભાઇ ચૌધરી, ચંદુભાઇ કાણોતરા, નિરવભાઇ મકવાણા, વિક્રમસિંહ બોરાણા, જયેશભાઇ વાઘેલા, ચન્દ્રકાંતભાઇ વામજા, દશરથસિંહ ચાવડા, દશરથસિંહ પરમાર, ભરતભાઇ જીલરીયા, હરેશભાઇ સરવૈયા, રણવિરસિંહ જાડેજાએ કરેલ છે