મોરબીના ડાયમંડનગર નજીક કાર ચાલકે હડફેટે લેતા પગપાળા જતાં યુવાનને ગંભીર ઇજા
SHARE
JOIN OUR GROUP
મોરબીના ડાયમંડનગર નજીક કાર ચાલકે હડફેટે લેતા પગપાળા જતાં યુવાનને ગંભીર ઇજા
મોરબી તાલુકાના ડાયમંડનગરથી ખાખરેચી ગામ તરફ જવાના રસ્તા ઉપર જિનિંગ મિલ પાસે કાર ચાલકે પગપાળા જઈ રહેલા યુવાનને હડફેટે લીધો હતો જેથી કરીને તેને ગંભીર ઇજા થઈ હોવાથી તે યુવાનને સારવાર માટે પ્રથમ મોરબી અને ત્યાંથી રાજકોટ લઈ ગયા હતા હાલમાં ઇજાગ્રસ્ત યુવાનના ભાઈએ મોરબી તાલુકા પોલીસ સ્ટેશન ખાતે ફોર વ્હીલ ગાડીના ચાલક સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી પ્રમાણે જામનગર જિલ્લાના દળીયા ગામના રહેવાથી રાહુલભાઈ ઝીણાભાઈ શિયાળ જાતે આહિર (૩૫)એ અશોક લેલન ફોરવિલ ગાડી નં. જીજે ૧ સીવાય ૪૨૪૭ ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેમાં જણાવ્યું છે કે તેનો ભાઈ મેહુલ ઝીણાભાઈ શિયાળ જાતે આહિર (૩૪) અલિયાબાળાથી રવા ગામ તાલુકો રાપર જિલ્લો કચ્છ ચાલીને જઈ રહ્યો હતો ત્યારે ડાયમંડનગરથી ખાખરેચી ગામ તરફ જતા રોડ ઉપર ઉમા જીનીંગ ઓઇલ મીલથી આગળ પીપળીયા ચાર રસ્તા તરફ કાર ચાલકે તેને હડફેટે લીધો હતો જેથી કરીને અકસ્માતના બનાવમાં ઇજા થતાં મેહુલભાઈને પ્રથમ મોરબીમાં સારવાર આપ્યા બાદ વધુ સારવાર માટે તેને રાજકોટ લઈ જવામાં આવેલ છે હાલમાં ઇજાગ્રસ્ત યુવાનના ભાઈએ નોંધાવેલ ફરિયાદ આધારે અકસ્માત સર્જીને નાસી છૂટેલા વાહન ચાલક સામે ગુનો નોંધી તેને પકડવા માટે તજવીજ શરૂ કરી છે
