વાંકાનેરના માટેલ રોડે કારખાનામાં પતરાંના રોડ ઉપરથી નીચે પડતાં યુવાનનું મોત

મોરબી શહેરના સામાકાંઠા વિસ્તારમાં માળિયા ફાટક ચોકડી પાસે આવેલ મફતિયાપરા વિસ્તારમાં રહેતો યુવાન વાંકાનેરના માટેલ રોડ ઉપર આવેલ કારખાનામાં કામગીરી કરી રહ્યો હતો ત્યારે પતરાના રોડ ઉપરથી નીચે પટકાતા માથાના ભાગે ગંભીર ઇજા થવાથી તેનું મોત નીપજયું હતું ત્યારબાદ તેના મૃતદેહને મોરબીની સિવિલ હોસ્પિટલ ખાતે લઈને આવ્યા હતા જેથી હોસ્પિટલ મારફતે અકસ્માત મૃત્યુના બનાવની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી શહેરના સામાકાંઠા વિસ્તારમાં માળિયા ફાટક ચોકડી નજીક આવેલ મફતિયાપરા વિસ્તારમાં રહેતો રણજીતભાઈ ભરતભાઈ ડાભી (૨૨) નામનો યુવાન વાંકાનેર તાલુકાના માટેલ રોડ ઉપર રોલ્ટા સીરામીક નામના કારખાનામાં કામગીરી કરી રહ્યો હતો ત્યારે પતરાના રોડ ઉપરથી નીચે પટકાતા તેને માથાના ભાગે ગંભીજા થઈ હતી જેથી કરીને તે યુવાનનું ઘટના સ્થળે મોત નીપજયું હતું ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે તેને જોઈ તપાસીને મૃત જાહેર કર્યા બાદ આ બનાવની પ્રથમ મોરબી સીટી એ ડિવિઝન પોલીસને જાણ કરવામાં આવી હતી જો કે, બનાવ વાંકાનેર તાલુકા પોલીસ સ્ટેશનની હદનો હોવાથી વાંકાનેર તાલુકા પોલીસને અકસ્માતના બનાવની જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે