મોરબીમાં બ્રહ્મલિન સંત કલ્યાણદાજી બાપુની પ્રથમ વાર્ષિક પુણ્યતિથિ ઉજવાઈ
Morbi Today
મોરબીના લાલપર ગામેથી નાસ્તો લેવા ગયેલ યુવતી ગુમ
SHARE
JOIN OUR GROUP
મોરબીના લાલપર ગામેથી નાસ્તો લેવા ગયેલ યુવતી ગુમ
મોરબીના લાલપર ગામે કુંજગલી સોસાયટીમાં રહેતા પરિવારની દીકરી ઘરેથી નાસ્તો લેવા જવાનું કહીને બહાર નીકળી હતી ત્યારે બાદ છેલ્લા બે દિવસથી તે ગુમ થઈ ગયેલ છે જેથી કરીને ગુમ થયેલ યુવતીના પિતા દ્વારા હાલમાં મોરબી તાલુકા પોલીસ સ્ટેશન ખાતે યુવતી ગુમ થઈ અંગેની ફરિયાદ નોંધાવી છે જેથી પોલીસે ગુમસુધા ફરિયાદ નોધીને આગળની રાબેતા મુજબની કાર્યવાહી હાથ ધરી છે.
જાણવા મળતી માહિતી મુજબ સુરેન્દ્રનગર જિલ્લાના લીંબડી તાલુકાના કટારીયા ગામના રહેવાસી અને હાલમાં મોરબી નજીકના લાલપર ગામે આવેલ કુંજગલી સોસાયટીમાં રહેતા રમેશભાઈ ઉર્ફે રાયમલભાઈ ટપુભાઈ ધરજીયા જાતે કોળી (૫૦)એ મોરબી તાલુકા પોલીસ સ્ટેશન ખાતે તેની દીકરી માયાબેન ધરજીયા (૧૯) ગુમ થઈ હોવા અંગેની ગુમસુધા ફરિયાદ નોંધાવી છે જેમાં તેને જણાવ્યૂ છે કે ગત તા.૨-૮ ના રાત્રીના આઠેક વાગ્યાના અરસામાં પોતાના ઘરેથી નાસ્તો લેવા માટે ગામમાં જાઉં છું તેવું કહીને નીકળ્યા બાદ તે ઘરે પરત આવેલ નથી જેથી કરીને છેલ્લા બે દિવસથી માયાબેન ગુમ થયેલ હોય તેના પિતા દ્વારા મોરબી તાલુકા પોલીસ સ્ટેશન ખાતે ગુમસુધા ફરિયાદ નોંધાવવામાં આવી છે જેના આધારે પોલીસે યુવતીને શોધવા માટે જુદી જુદી દિશામાં તપાસ શરૂ કરી છે આ અંગેની આગળની વધુ તપાસ મોરબી તાલુકા પોલીસ સ્ટેશનના મનીષભાઈ બારૈયા ચલાવી રહ્યા છે.
વૃદ્ધને રાજકોટ ખસેડાયા
મોરબીના રવાપર રોડ ઉપર આવેલ ફૂટવેરની દુકાન પાસેથી ઈજાગ્રસ્ત હાલતમાં મળેલા વૃદ્ધને મોરબી સિવિલે સારવાર માટે લાવવામાં આવ્યા હતા અને ત્યાં પ્રાથમિક સારવાર આપીને વધુ સારવાર માટે હાલ રાજકોટ ખસેડાયા હોવાનું જાણવા મળેલ છે. એ ડિવિઝન પોલીસસુત્રોમાંથી મળતી માહિતી પ્રમાણે મોરબીના સામાકાંઠે આવેલ માળિયા ફાટક પાસે રહેતા અનુભાઈ સવજીભાઈ નામના ૫૫ વર્ષીય આધેડને મોરબીના રવાપર રોડ ઉપર આવેલ રજાક ફૂટવેર નામની દુકાન પાસેથી ૧૦૮ વડે સારવાર માટે અત્રેની સિવિલ હોસ્પિટલમાં લાવવામાં આવ્યા હતા જ્યાં તેઓને સારવાર આપવામાં આવ્યા બાદ વધુ સારવાર માટે રાજકોટ લઈ જવામાં આવ્યા છે હાલ આ બનાવ અંગે મોરબી એ ડિવિઝન પોલીસ મથકના જયપાલસિંહ જાડેજા દ્વારા આગળની તપાસ ચલાવવામાં આવી રહી છે.ઇજાગ્રત અનુભાઈ હાલ બેભાન હાલતમાં રાજકોટ હોવાનું જાણવા મળેલ છે.પરીવારના સભ્યોનો ભેટો થયેલ ન હોય કોઇ ઓળખતુ હોય તો એ ડિવિઝન પોલીસ મથકે જયપાલસિંહનો સંપર્ક કરે તેમ યાદીમાં જણાવવામાં આવેલ છે.
