વાંકાનેરના રાતીદેવડીમાં અગાઉ આપઘાતનો પ્રયાસ કરનાર યુવતીનું મોત

વાંકાનેર નજીક આવેલ રાતીદેવડી ખાતે રહેતી યુવતીએ અગાઉ એસિડ પી લીધું હતું જેથી કરીને તેને સારવાર માટે અમદાવાદ સુધી લઈ ગયા હતા અને ત્યાંથી રજા આપ્યા બાદ રાતીદેવડી ગામે લઈ આવ્યા હતા અને ત્યાં તે યુવતીનું મોત નીપજયું છે જેની મૃતક યુવતીના ભાઈએ વાંકાનેર સિટી પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી પ્રમાણે વાંકાનેરના રાતીદેવડી ખાતે રહેતા હિતેશભાઈ કાંતિલાલ વોરા (૨૪)એ વાંકાનેર સિટી પોલીસ સ્ટેશન ખાતે જાણ કરી હતી કે, તેમના બહેન વૈશાલીબેન ઉર્ફે સંગીતાબેન કાંતિલાલ વોરા (૨૧) ઘરે કંઈ બોલતા ચાલતા ન હોય અને તેનું શરીર ઠંડું પડી ગયું હોય મરણ ગયેલ છે જે અંગેની પોલીસે નોંધ કરી આગળની રાબેતા મુજબની કાર્યવાહી હાથ ધરી હતી અને વધુમાં તેને જણાવ્યું હતું કે, ગત જાન્યુઆરી મહિનામાં તેના બહેન વૈશાલીબેન એસિડ પી ગયા હતા જેથી તેને પ્રથમ વાંકાનેર ત્યારબાદ વધુ સારવાર માટે રાજકોટ અને ત્યાંથી અમદાવાદ સુધી લઈ ગયા હતા અને અમદાવાદ ખાતે તેને સારવારમાંથી રજા આપ્યા બાદ તેને રાતીદેવડી ગામ ખાતે લઈને આવ્યા હતા અને ત્યાં તેનું મોત નીપજયું છે હાલમાં વાંકાનેર સિટી પોલીસ દ્વારા આ બનાવાની નોંધ કરી આગળની રાબેતા મુજબની કાર્યવાહી હાથ ધરવામાં આવી છે અને આ બનાવની આગળની વધુ તપાસ વાંકાનેર સિટી પોલીસ સ્ટેશનના પી.એસ.આઇ. ડી.વી. કાનાણી ચલાવી રહ્યા છે