હળવદમાં ઘેટાં લઈને જતાં પશુપાલકે ગાડી ધીમે ચલાવવાનું કહેતા ઉશ્કેરાયેલા શખ્સે લાકડી વડે માર માર્યો

હળવદમાં રહેતો યુવાન ઘેટા ચરાવીને મીરા બોડિંગ ગેરેજથી આગળ જીવરાજ પાર્ક તરફ જવાના રસ્તા ઉપરથી પસાર થઈ રહ્યો હતો ત્યારે સામેથી ગાડી લઈને આવેલા શખ્સને ગાડી ધીમી ચલાવવા માટે કહ્યું હતું જે તેને સારું નહીં લાગતા તેણે યુવાનને ગાળો આપી હતી અને યુવાન પાસે રહેલ લાકડી તેની પાસેથી જૂટવી લઈને તે લાકડી વડે તેને જમણા કામ ઉપર એક ઘા માર્યો હતો જેથી કરીને ભોગ બનેલા યુવાન દ્વારા હાલમાં હળવદ તાલુકા પોલીસ સ્ટેશન ખાતે એક શખ્સની સામે ફરિયાદ નોંધવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

બનાવી જાણવા મળતી માહિતી મુજબ હળવદમાં પંચમુખી ઢોરા વિસ્તારમાં રહેતા અને પશુપાલનનો વ્યવસાય કરતા ગોપાલભાઈ ઝાલાભાઇ ગમારા જાતે ભરવાડ (૩૫)એ હાલમાં પ્રભાત ઉર્ફે ટેંગો લક્ષ્મણભાઈ કોળી રહે/ પંચમુખી ઢોરા હળવદ વાળાની સામે ફરિયાદ નોંધાવી છે જેમાં તેને જણાવ્યૂ છે કે, હળવદમાં આવેલ મીરા બોર્ડિંગ ગેરેજથી આગળ જીવરાજ પાર્ક તરફ જવાના રસ્તા ઉપરથી તે ઘેટા ચરાવીને ઘર તરફ જઈ રહ્યો હતો ત્યારે સામેથી આરોપી ગાડી લઈને આવતો હોય ફરિયાદી યુવાને તેને ગાડી ધીમે ચલાવવા માટે કહ્યું હતું જે તેને સારું ન લગતા તેને ફરિયાદીને ગાળો આપી હતી અને ત્યારબાદ ફરિયાદીના હાથમાં રહેલ લાકડી જૂટવી લઈને ફરિયાદીને લાકડી વડે માર માર્યો હતો ત્યારે જમણા કાન ઉપર લાકડીનો ઘા મારવાથી તેને ઈજા થઈ હતી જેથી યુવાને સારવાર લીધા બાદ હાલમાં હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે