મોરબીના રાજપર રોડે મારૂતીના વર્કશોપમાંથી રોકડા ૧.૩૩ લાખની ચોરી

મોરબીના શકત શનાળા ગામ પાસે રાજપર રોડ ઉપર આવેલ મારૂતીના વર્કશોપમાં ચોરી કરવામાં આવેલ છે અને તસ્કરે તિજોરો તોડી રોકડા ૧.૩૩ લાખની ચોરી કરી હોવાથી હાલમાં આ બનાવની ફરિયાદ એ ડિવિઝન પોલીસે નોંધાતા પોલીસે આરોપીને પકડવા તજવીજ શરૂ કરેલ છે

મોરબીના નીતીન નગરમાં રહેતા દેવદીપસિંહ દશરથસિંહ ઝાલાએ મોરબી સીટી એ ડિવીઝન પોલીસ સ્ટેશને ચોરીની ફરિયાદ નોંધાવી છે જેમાં તેને જણાવ્યુ છે કે, તા.૨૪ ના રોજ મોરબીના રાજપર રોડ ઉપર આવેલ પરફેકટ મારૂતીના શો રૂમના વર્કશોપમાં ચોરી કરવામાં આવી છે જેમાં વર્કશોપની ઓફીસના દરવાજાના તાળાને તોડીને તિજોરી તોડી તેમાથી રોકડ ૧.૩૩લાખની ચોરી કરવામા આવી છે જેથી મોરબી સીટી એ ડિવીઝન પોલીસે આરોપીને પકડવા માટે તપાસ શરૂ કરેલ છે