મોરબીમાં પત્ની માવતરે જતી રહેતા યુવાને મચ્છર મારવાનું લિક્વિડ ગટગટાવ્યું

મોરબીમાં રહેતા યુવાનની પત્ની માવતરે જતી રહી હતી જેથી કરીને યુવાન શહેરના સામાકાંઠા વિસ્તારમાં કુબેર ટોકીઝ પાસે હતો ત્યારે યુવાન મચ્છર મારવાનું લિક્વિડ પી ગયો હતો જેથી કરીને તેને સારવાર માટે મોરબીની સિવિલ હોસ્પિટલ ખાતે ખસેડવામાં આવ્યો હતો અને ત્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબીમાં સુપર ટોકીઝ પાસે રહેતો નિલેશ કાંતિલાલ જોગીદાસ (૨૬) નામનો યુવાન મોરબી વિસ્તારમાં કુબેર ટોકીઝ પાસે હતો ત્યારે ત્યાં મચ્છર મારવાનું લિક્વિડ પી ગયો હતો જેથી કરીને તેને ઝેરી અસર થઈ હોવાથી તેને સારવાર માટે મોરબીની સિવિલ હોસ્પિટલ ખાતે ખસેડવામાં આવ્યો હતો અને ત્યાં તેને સારવાર આપ્યા બાદ આ બનાવની મોરબી સીટી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ મોરબી બી ડિવિઝન પોલીસ સ્ટેશનના જે.જે. ડાંગર ચલાવી રહ્યા છે વધુમાં સૂત્ર પાસેથી જાણવા મળતી માહિતી પ્રમાણે યુવાનને તેની પત્ની સાથે ઝઘડો થયો હતો અને પત્ની માવતરે જતી રહી હોય તેને લાગી આવતા તે યુવાને મચ્છર મારવાનું લિક્વિડ પી લીધું હોવાનું પ્રાથમિક તપાસમાં સામે આવ્યું છે જેની પોલીસે નોંધ કરી આગળની કાર્યવાહી કરી છે

માર માર્યો

મોરબી શહેરના વિસ્તારમાં નજરબાગ રેલવે સ્ટેશન પાસે રહેતા કવિતાબેન બીપીનભાઈ સોલંકી (૩૦) નામના મહિલાને માર માર્યો હોવાથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે બનાવી નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ જે.જે. ડાંગર દ્વારા કરવામાં આવી હતી અને પોલીસ સૂત્રો પાસેથી જાણવા મળતી માહિતી પ્રમાણે મહિલાને ઘરે હતી ત્યારે તેના પતિએ માર માર્યો હોવાથી તેને ઈજા થઈ હતી અને સારવાર માટે હોસ્પિટલે ખસેડવામાં આવેલ છે

અકસ્માતમાં ઇજા

મોરબીના પીપળીયા ગામથી આગળના ભાગમાં આવેલ મહેન્દ્રગઢ ગામે રહેતા મયુરીબેન શિવલાલ (૧૨) નામની સગીરા તેના પિતા સાથે બાઈકમાં બેસીને સનાળાથી પોતાના ઘર તરફ જઈ રહી હતી ત્યારે વાવડી નજીક તેનું બાઈક રીક્ષા સાથે અથડાતા અકસ્માતનો બનાવ બનેલ હતો જેમાં મયુરીબેનને ઇજાઓ થઇ હોવાથી સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની પ્રાથમિક તપાસ એન.જે. ખડીયા ચલાવી રહ્યા છે