મોરબી જિલ્લામાં પીવા-સિંચાઇ માટેનું જળસંકટ ટળ્યું: મહાકાય મચ્છુ-૧ ડેમ ઓવરફ્લો

મોરબી જીલ્લામાં ૧૦ ડેમ આવેલા છે જે પૈકીના વાંકાનેર પંથકમાં આવેલ મહાકાય મચ્છુ-૧ માં છેલ્લા દિવસથી પડી રહેલા વરસાદના લીધે નવા નીરની આવક થઈ રહી છે અને ધીમેધીમે કરતાં ગઇકાલે સાંજે સાડા છ વાગ્યાના અરસામાં આ ડેમ ઓવરફ્લો થયો હોવાનું સિંચાઇ વિભાગના અધિકારી પાસેથી જાણવા મળ્યું છે અને હાલમાં પણ ડેમમાં પાણીની આવક હોવાથી ડેમ ઓવરફ્લો થઈ રહ્યો છે

મોરબી જીલ્લામાં વરસાદની આગાહી મુજબ ધીમીધારે વરસર વરસી રહ્યો છે ત્યારે મોરબી જિલ્લાના સ્થાનિક જળાશયોમાં નવા નીરની આવક થઈ રહી છે અને જો વાત કરીએ મોરબી જિલ્લાના મહાકાય મચ્છુ-૧ ડેમની તો છેલ્લા દિવસોમાં ઉપરવાસમાં ધોધમાર વરસાદ થતાં ડેમમાં પાણીની આવક થઈ રહી છે અને ૪૯ ફૂટની ઊંડાઈ ધરાવતો આ ડેમાં ગઇકાલે સાંજે સાડા છ વાગ્યે ઓવરફ્લો થાય છે તેવું સિચાઈ વિભાગના અધિકારી પાસેથી જાણવા મળેલ છે અને હજુ પણ આ ડેમમાં નવા નીરની આવક ચાલુ જ હોવાથી ડેમના નીચાણ વાળા વિસ્તારમાં આવતા વાંકાનેર અને મોરબી તાલુકાનાં કુલ મળીને ૨૪ ગામોને એલર્ટ પણ કરવાં આવ્યા છે અત્રે ઉલેખનીય છે કે, મોરબીના મચ્છુ-૧ ડેમમાથી લોકોને પીવા માટે અને ખેડૂતોને સિંચાઇ માટેનું બારે મહિના પાણી આપવામાં આવે છે ત્યારે આ મહાકાય ડેમ હાલમાં આઓવર્ફ્લો થયો હોવાથી મોરબી  અને વાંકાનેર તાલુકાનાં મોટાભાગના વિસ્તાર માટે એક વર્ષ સુધીનું જળસંકટ ટળી ગયું છે તેવું કહીએ તો તેમાં જરા પણ અતિશયોક્તિ નથી આજની તારીખ મચ્છુ-૧ ડેમમાં ૨૪૩૫ એમસીએફટી જળ જથ્થો ભરાયેલ છે અને હાલમાં આ ડેમ આઠ ઇંચથી ઓવરફ્લો થઈ રહ્યો છે જે પાણી મચ્છુ નદીમાં થઈને મચ્છુ-૨ ડેમમાં જઈ રહ્યું છે જેથી તે ડેમમાં પણ પાણીની આવક વધી રહી હોવાથી આજે સવારના સાડા આઠ વાગ્યા સુધીમાં મચ્છુ-૨ ડેમ ૩૩ ફૂટની ઊંચાઈમાથી ૨૮.૫૦ ફૂંટ ભરાયો છે અને હજુ પણ ઉપરથી પાણીની આવક ચાલુ જ છે તેવું સિચાઈ વિભાગના અધિકારીએ જણાવ્યુ છ

૨૪ કલાકમાં અડધાથી લઈને બે ઇંચ જેટલો વરસાદ

 મોરબી જીલ્લામાં છેલ્લી ૨૪ કલાકમાં ટંકારા તાલુકામાં સૌથી વધુ બે ઇંચ વરસાદ પડ્યો છે જો કે, મોરબી અને હળવદ તાલુકામાં એક ઇંચ જેટલો વરસાદ છે વાંકાનેરમાં દોઢ ઇંચ અને માળીયા તાલુકામાં અડધો ઇંચ વરસાદ પડ્યો છે અને છેલ્લી ૨૪ કલાકથી જીલ્લામાં હળવો અને ભારે વરસાદ પડી રહ્યો હોવાથી હાલમાં વાતાવરણમાં ઠંડક પ્રસરી ગયેલ છે